![CM Bhupesh Baghel ह करीन घोसना, बेरला म माता बिंदेश्वरी देवी के नाव म होही मातृ शिशु अस्पताल cgg e1672035437109](https://jayjohar.com/wp-content/uploads/2022/12/cgg-e1672035437109.jpg)
CM Bhupesh Baghel ह करीन घोसना, बेरला म माता बिंदेश्वरी देवी के नाव म होही मातृ शिशु अस्पताल
जय जोहार । सीएम भूपेश बघेल (CM Bhupesh Baghel) ह रविवार के बेमेतरा जिला म बेरला प्रवास के दउरान माता बिंदेश्वरी बघेल स्मृति सामुदायिक मनवा कुर्मी भवन के लोकार्पण करीन । मुख्यमंत्री ह सामुदायिक स्वास्थ्य केन्द्र बेरला के 30 बिस्तर अस्पताल के मातृ शिशु अस्पताल (एमसीएच-मदर एण्ड चाइल्ड हॉस्पिटल) म उन्नयन कर 50 बिस्तर करे के घोसना करत हुए किहीन कि ए अस्पताल के नावकरण माता बिंदेश्वरी देवी के नाव म करे जाही।
सीएम भूपेश बघेल (CM Bhupesh Baghel) ह ग्राम हसदा म स्वामी आत्मानंद अंग्रेजी स्कूल प्रारंभ करे, बेरला म जिम अउ इनडोर स्टेडियम, भिंभौरी म विद्युत विभाग के सब स्टेशन निर्माण के घोसना करीन । एखर आलावा वोहा सामुदायिक भवन के आहाता बर आवश्यक कार्यवाही करे के भरोसा दिलाइन । सीएम श्री बघेल ह सामुदायिक भवन परिसर म पर्यावरण संरक्षण ल बढ़ावा दे ल वृक्षारोपण करीन । ए अवसर म गृहमंत्री ताम्रध्वज साहू, विधायक आशीष कुमार छाबड़ा, मनवा कुर्मी क्षत्रिय समाज धमधा राज के अध्यक्ष चंद्रशेखर परगनिहा, जनपद पंचायत अध्यक्ष हीरा देवी वर्मा, नगर पंचायत अध्यक्ष बेरला राजबिहारी कुर्रे उपस्थित रिहीन।
सीएम भूपेश बघेल (CM Bhupesh Baghel) ह किहीन कि सामाजिक काम बर ए भवन के उपयोग होही। वोहा किहीन कि अन्नदाता के प्रदेस छत्तीसगढ़ खुसहाली के ओर आगू बढ़त हे । ए बछर धान के फसल बढ़िया रिहीन , धान के कटाई मिंजाई होवत हे। धान उपार्जन के काम बड़का पैमाना म सुव्यवस्थित रुप ले चलत हे । खरीफ विपणन बछर 2022-23 म 110 लाख मीट्रिक टन धान खरीदी के लक्ष्य हे , गत बछर राज्य सरकार डहार ले 98 लाख मीट्रिक टन खरीदी करे गे रिहीन। मुख्यमंत्री ह किसान मन ले गौठान म पैरादान करे के अपील करीन, जेखर ले गौ-माता ल भोजन के रुप म चारा मिल सकही ।