जय जोहार। छत्तीसगढ़ (Chhattisgarh ) सासन ह प्रदेस के नौ ठीन सिंचाई परियोजना के काम ल कराय बर 30 करोड़ 59 लाख 5 हजार रुपिया स्वीकृत करे हे। ए योजना के काम पूरा होय म 3 हजार 32 हेक्टेयर क्षेत्र म सिंचाई सुविधा के विस्तार होही । बलरामपुर-रामानुजगंज जिला के विकासखण्ड-वाड्रफनगर के कुकझरिया व्यपवर्तन योजना के जीर्णोद्धार काम बर तीन करोड़ 87 लाख 60 हजार रुपिया स्वीकृत करे गेहे । ए योजना के काम पूरा होय ले 280 हेक्टेयर क्षेत्र म सिंचाई सुविधा मिल सकही ।
विकासखण्ड-बलरामपुर के देवीगंज जलासय योजना के शीर्ष, नहर के जीर्णोद्धार अउ नहर लाईनिंग काम बर दो करोड़ 57 लाख 74 हजार रुपिया स्वीकृत करे गेहे। ए योजना के काम पूरा होय ले 109 हेक्टेयर क्षेत्र म सिंचाई सुविधा मिल सकही। (Chhattisgarh ) विकासखण्ड-कुसमी के भुलसी जलासय योजना के नवीनीकरण काम बर दो करोड़ तीन लाख 13 हजार रुपिया स्वीकृत करे गेहे। विकासखण्ड कुसमी के सरईडीह जलाशय योजना के नहर निर्माण काम बर तीन करोड़ 69 लाख 45 हजार रुपिया स्वीकृत करे गेहे।
विकासखण्ड-रामचन्द्रपुर के कामेश्वर नगर जलासय योजना के बांध अउ नहर के जीर्णोद्धार काम बर दो करोड़ 24 लाख 45 हजार रुपिया स्वीकृत करे गेहे। जशपुर जिले के विकासखण्ड-जशपुर के बांकी नाला व्यपवर्तन योजना के लाईनिंग काम बर दो करोड़ 69 लाख 23 हजार रुपिया स्वीकृत करे गेहे। ए योजना के काम पूरा होय ले 122 हेक्टेयर क्षेत्र म सिंचाई सुविधा मिल सकही। (Chhattisgarh ) विकासखण्ड पत्थलगांव के तमता जलासय योजना के जीर्णोद्धार काम बर सात करोड़ 82 लाख रुपिया स्वीकृत करे गेहे।
विकासखण्ड बगीचा के कोदोधारा जलासय योजना के काम बर दो करोड़ 96 लाख 50 हजार रुपिया स्वीकृत करे गेहे। विकासखण्ड-मनोरा के बेंजोरा व्यपवर्तन योजना के लाईनिंग काम बर दो करोड़ 68 लाख 95 लाख रुपिया स्वीकृत करे गेहे। ए योजना के पूरा होय ले 121 हेक्टेयर क्षेत्र म सिंचाई सुविधा मिल सकही।
No Comment! Be the first one.