![chhattisgarh म 18.50 लाख ले जादा परिवार ल मिले हे घरेलू नल कनेक्शन nal e1673879631262](https://jayjohar.com/wp-content/uploads/2023/01/nal-e1673879631262.jpg)
chhattisgarh म 18.50 लाख ले जादा परिवार ल मिले हे घरेलू नल कनेक्शन
जय जोहार। (chhattisgarh) राज्य म जल जीवन मिशन के अंतर्गत घर म शुद्ध पेयजल आपूर्ति बर चलाए जावत अभियान के तहत अब तक 18 लाख 50 हजार 339 घरेलू नल कनेक्शन दे जा चुके हे। एखर संगेसंग राज्य के 43 हजार 933 स्कूल, 41 हजार 669 आंगनबाड़ी केन्द्र अउ 17 हजार 282 ग्राम पंचायत भवन अउ सामुदायिक उप-स्वास्थ्य केन्द्र म टेप नल के माध्यम ले शुद्ध पेयजल के आपूर्ति के व्यवस्था करे गेहे। जेमा ले छत्तीसगढ़ के जांजगीर-चांपा जिला म सबले जादा 1 लाख 60 हजार 118 ग्रामीण परिवार ल घरेलू नल कनेक्शन दे गेहे ।
(chhattisgarh) मुख्यमंत्री भूपेश बघेल के नेतृत्व अउ लोक स्वास्थ्य यांत्रिकी मंत्री गुरु रुद्रकुमार के मार्गदर्शन म चलाए जावत जल जीवन मिशन के अंतर्गत राज्य म प्रति व्यक्ति, प्रतिदिन 55 लीटर के मान ले शुद्ध पेयजल उपलब्ध कराए जावत हे। जल जीवन मिशन के तहत अब तक राजनांदगांव जिला म 1 लाख 36 हजार 957, रायपुर जिला म 1 लाख 13 हजार 999, रायगढ़ जिला म 1 लाख 10 हजार 539, धमतरी जिला म 1 लाख 7 हजार 773, बलौदाबाजार-भाटापारा म 90 हजार 703, बेमेतरा म 84 हजार 178, कवर्धा म 89 हजार 695, बिलासपुर जिला म 83 हजार 999, दुर्ग म 80 हजार 833 अउ महासमुंद जिला म 80 हजार 216 नल कनेक्शन दे जा चुके हे ।
अइसने बीजापुर म 83 हजार 999, बालोद म 69 हजार 647, मुंगेली म 66 हजार 737, गरियाबंद म 66 हजार 566, कांकेर म 56 हजार 454, बस्तर म 52 हजार 362, जशपुर म 50 हजार 624, कोरबा म 46 हजार 521, सूरजपुर म 45 हजार 34, बलरामपुर म 43 हजार 553, कोरिया म 43 हजार 408, कोण्डागांव म 43 हजार 133, सरगुजा जिला म 38 हजार 713 गौरेला-पेंड्रा-मरवाही म 20 हजार 854, दंतेवाड़ा म 18 हजार 201, सुकमा म 17 हजार 818 अउ नारायणपुर जिला म 11 हजार 733 ग्रामीण परिवार ल घरेलू नल कनेक्शन दे जा चुके हे ।