![Raipur : कृषि मंत्री रविन्द्र चौबे ह इंदिरा गांधी कृषि विश्वविद्यालय म करीन मिलेट कैफे के लोकार्पण cgggg](https://jayjohar.com/wp-content/uploads/2023/01/cgggg.jpg)
Raipur : कृषि मंत्री रविन्द्र चौबे ह इंदिरा गांधी कृषि विश्वविद्यालय म करीन मिलेट कैफे के लोकार्पण
जय जोहार। (Raipur) कृषि मंत्री रविन्द्र चौबे ह इंदिरा गांधी कृषि विश्वविद्यालय परिसर म नवनिर्मित ‘‘मिलेट कैफे’’ के लोकार्पण करीन । ए मिलेट कैफे म कोदो, कुटकी, रागी अउ लघु धान्य फसल ले निर्मित विविध व्यंजन-इडली, दोसा, पोहा, उपमा, भजिया, खीर, हलवा, माल्ट, कुकीज के संग ही एखर ले बने छत्तीसगढ़ के पारंपरिक व्यंजन ठेठरी, खुरमी, अरसा, चाकोली, सेवई, पिढ़िया जनता बर उपलब्ध रही । एखर आलावा लघु धान्य फसल ले निर्मित अन्य उत्पाद घलो विक्रय बर उपलब्ध रही।
मिलेट कैफे ल आम जनता म लघु धान्य फसल के प्रति जागरूकता उत्पन्न करे अउ ओखर उपयोग ल बढ़ावा दे बर प्रारंभ करे गेहे । ये देस म कोनो विश्वविद्यालय डहार ले संचालित करे जवइया पहिला मिलेट कैफे होही। ए मिलेट कैफे के संचालन ल कृषि विज्ञान केन्द्र रायपुर डहार ले करे जाही अउ इंहा विभिन्न महिला स्व-सहायता समूहों डहार ले निर्मित लघु धान्य व्यंजन के विक्रय करे जाही।
उल्लेखनीय हे कि लघु धान्य फसल के पोषकता अउ स्वास्थ्यप्रद मूल्य ल दृष्टिगत रखत हुए संयुक्त राष्ट्र संघ डहार ले एखर उपयोग ल बढ़ावा दे बर बछर 2023 ल मिलेट बछर घोसित करे गेहे। मिलेट कैफे के लोकार्पण समारोह म मुख्यमंत्री के कृषि सलाहकार प्रदीप शर्मा, कृषि उत्पादन आयुक्त डॉ. कमलप्रीत सिंह, राष्ट्रीय बीज निगम, नई दिल्ली की अध्यक्ष सह प्रबंध निदेशक डॉ. मनिन्दर कौर द्विवेदी, इंदिरा गांधी कृषि विश्वविद्यालय के कुलपति डॉ. गिरीश चंदेल, कृषि अउ उद्यानिकी विभाग के वरिष्ठ अधिकारी उपस्थित रिहीन ।