CM Bhupesh Baghel ह करीन मुक्तेश्वर शिव मंदिर म पूजा अर्चना

जय जोहार। सीएम भूपेश बघेल (CM Bhupesh Baghel) ह धरसीवा विधानसभा के चरोदा म मुक्तेश्वर शिव मंदिर म पूजा अर्चना करीन अउ प्रदेश वासी मन के सुख, समृद्धि अउ खुशहाली के कामना करीन। वोहा इंहा आसपास के गाँव ले बड़का संख्या म आए मनखे मन ले भेंट मुलाक़ात करीन । ए दउरान खनिज विकास निगम के अध्यक्ष गिरीश देवांगन, स्थानीय विधायक अनिता योगेन्द्र शर्मा समेत कई झन जनप्रतिनिधि घलो मौजूद रिहीन ।

ये स्थल ह भारतीय प्राचीन सभ्यता के प्रतीक हे . वर्तमान म जिहां म ये विशाल शिव मंदिर हे , पूर्व म ये टीला के रूप म रिहीन, टूटे-फूटे ईंट के टुकड़ा अउ ऊपर म दो नारी मूर्ति रिहीन, जेला मनखे मन ह महामाई के रूप म पूजत रिहीन।