CM Bhupesh Baghel ह बलौदाबाजार म गढ़कलेवा के करीन लोकार्पण

जय जोहार। सीएम भूपेश बघेल (CM Bhupesh Baghel) ह जिला मुख्यालय बलौदाबाजार म 3 हजार स्क्वायर फीट म निर्मित गढ़कलेवा के सोमवार के लोकार्पण करीन । ए दउरान मुख्यमंत्री ह गढ़कलेवा के अवलोकन करीन अउ स्व-सहायता समूह के महिला मन ले बातचीत कर गढ़कलेवा म व्यवस्था के जानकारी लीन।

मुख्यमंत्री ल अर्चना महिला स्व सहायता समूह के सदस्य ह बताइन कि छत्तीसगढ़ी व्यंजन चीला,फरा, ठेठरी, खुरमी, अईरसा, चौसेला, तसमई, करी लड्डू, सोहारी समेत अन्य विविध प्रकार के व्यंजन गढकलेवा म उपलब्ध रही। वोहा बताइन कि गढ़कलेवा म दूध ले दही, घी अउ डिब्बा बंद सूखा आयटम, तिल लड्डू, नमकीन, करी लड्डू, सलोनी, मूरकू, खाजा, बालूशाही, खुरमी, बिजौरी घलो खरीददार खरीद सकत हे । गढ़कलेवा म अवइया ग्राहक के बइठे बर आउटडोर अउ इनडोर के व्यवस्था करे गेहे । जिहां म ग्राहक पसंदीदा व्यंजन के स्वाद ले सकत हे।

उल्लेखनीय हे कि गढ़कलेवा म ग्रामीण परिवेश के अनुभव कराय बर अलग ले कुरिया के निर्माण करे गेहे । जिहां म जमीन म बइठके छत्तीसगढ़ी व्यंजन के लुफ्त उठाय बर गोबर ले लिपाई करे गेहे । गढ़कलेवा म आकर्षक सेल्फी पाइंट समेत वाईफाई के सुविधा मिलही ।