Raipur : युवा महोत्सव ले मिलत हे युवा मन ल अभिव्यक्ति के अवसर: डॉ.टेकाम

जय जोहार। (Raipur ) स्कूल शिक्षा मंत्री डॉ. प्रेमसाय सिंह टेकाम ह राजधानी रायपुर के साइंस कॉलेज मैदान म राज्य स्तरीय युवा महोत्सव के सुभारंभ करीन। ए अवसर म वोहा किहीन कि ए महोत्सव ले युवा मन ल अपन प्रतिभा ल अभिव्यक्त करे बर बेहतर मंच मिलत हे । उंहे राज्य के समृद्ध सांस्कृतिक, लोक खेल, परम्परा ल जाने अउ समझे के मउका मिलही । गौरतलब हे कि ए आयोजन म संस्कृति विभाग डहार ले लोक साहित्य सम्मेलन के घलो आयोजन करे जात हे ।

स्कूल शिक्षा मंत्री डॉ. टेकाम ह किहीन कि छत्तीसगढ़ युवा मन के प्रदेस हे, इंहा के युवा मन म अद्भूत प्रतिभा हे । अइसे आयोजन ले युवा मन म छिपे प्रतिभा सामन आत हे । ओमन ल प्रोत्साहन मिलत हे । अइसे आयोजन ले सामाजिक सदभाव के वातावरण के निर्माण होत हे । वोहा किहीन कि विगत चार बछर म राज्य के युवा प्रतिभा ल तरासे बर कई आयोजन जइसे छत्तीसगढ़िया ओलम्पिक, राष्ट्रीय आदिवासी नृत्य महोत्सव कराए गेहे ।

हमर मन के ये परयास रहे हे कि युवा मन ल ऊर्जा अउ उत्साह केवल आयोजन तक सीमित नई रिहीन, बल्कि ओखर रचनात्मक काम म घलो इस्तेमाल होत रिहीन । युवा मन म नेतृत्व क्षमता के विकास बर राजीव एवं युवा मितान क्लब के गठन करे गेहे । डॉ.टेकाम ह युवा उत्सव म भाग लेवइया सबो युवा अउ एखर आयोजन ले जुड़े खेल अउ युवा कल्याण विभाग बधाई अउ सुभकामना दीन ।