जय जोहार। छत्तीसगढ़ सासन के मुख्यमंत्री मितान योजना (Chief Minister Mitan Scheme ) के तहत सहरी क्षेत्र म मनखे मन ल घर बइठे सासकीय सुविधा ल उपलब्ध कराए जात हे। योजना के तहत अब तक 50 हजार ले जादा नागरिक ल घर बइठे ही अपन जरूरी सासकीय दस्तावेज प्राप्त करे हे।
मुख्यमंत्री मितान योजना के अंतर्गत अब तक लगभग 1 लाख ले जादा नागरिक ल मितान योजना के टोल फ्री नम्बर 14545 म सम्पर्क कर सासकीय दस्तावेज ल प्राप्त करे के संबंध म जानकारी हासिल करे हे। मुख्यमंत्री भूपेश बघेल के निर्देसन अउ नगरीय प्रसासन विकास विभाग डहार ले नागरिक ल सरकारी दस्तावेज बनवाय बर घर पहुँच सेवा ’ मुख्यमंत्री मितान योजना’ के सुरुवात 01 मई 2022 ले प्रदेस के सबो 14 नगर निगमों म प्रारंभ करे गे रिहीन ।
मितान योजना के अंतर्गत प्राप्त सेवा म जन्म प्रमाण पत्र, जन्म प्रमाण पत्र म सुधार, मृत्यु प्रमाण पत्र, मृत्यु प्रमाण पत्र म सुधार, मूल निवासी प्रमाण पत्र, विवाह पंजीकरण अउ प्रमाण पत्र, आय प्रमाण पत्र, अन्य पिछड़ा वर्ग प्रमाण पत्र, अनुसूचित जाति, अनुसूचित जनजाति प्रमाण पत्र, दुकान अउ स्थापना पंजीकरण संबंधी दस्तावेज, भूमि के रिकार्ड के नकल, भूमि सूचना (भूमि उपयोग), आधार कार्ड पंजीकरण, (5 बछर तक के लईका मन के) आधार कार्ड म पता अउ मोबाइल नंबर म सुधार, पैन नम्बर प्राप्त करे बर आवेदन पत्र, पैन अपडेट अउ डुप्लीकेट सेवा घर बइठे मितान सेवा ले प्राप्त करे जा सकत हे । ए सेवा ले मनखे मन ल श्रम, बेरा अउ धन के बचत होत हे ।
मुख्यमंत्री मितान योजना ले लाभान्वित होय बर आवेदक मितान के सेवा बर टोलफ्री नंबर 14545 म कॉल करत हे । एखर बाद अप्वाइंटमेंट बुक करे जात हे। अप्वाइंटमेंट बुक करे के बाद आवेदक ल बुकिंग के जानकारी के संग एक ठीन एसएमएस प्राप्त होत हे। एखर बाद तय बेरा अउ तारीख के मितान आवेदक के घर पहुंचके आवश्यक दस्तावेज ल प्राप्त करत हे । मितान ह घर पहुंचके टैबलेट के माध्यम ले दस्तावेज ल सत्यापित कर पोर्टल म अपलोड करत हे। एखर बाद सत्यापित दस्तावेज ल संबंधित विभाग ल ऑनलाइन भेजे जात हे, जेन आवेदक ले संबंधित दस्तावेज के समीक्षा के बाद प्रमाण पत्र जारी करत हे । प्रमाण पत्र जारी होय के बाद मितान एजेंट डहार ले प्रमाण पत्र आवेदक के घर पहुंचाके दे जात हे ।
