CM Bhupesh Baghel ले दुबई प्रो-इंटरनेशनल बॉडी बिल्डिंग प्रतियोगिता के कांस्य पदक विजेता ह करीन सौजन्य मुलाकात

जय जोहार। सीएम भूपेश बघेल (CM Bhupesh Baghel) ले आज राजधानी रायपुर के पुलिस लाइन हेलीपेड म दुबई प्रो-इंटरनेशनल बॉडी बिल्डिंग प्रतियोगिता के कांस्य पदक विजेता अमरिंदर सिंह वामा ह सौजन्य मुलाकात करीन । मुख्यमंत्री ह अमरिंदर ल ओखर ए उपलब्धि बर बधाई दीन अउ ओखर उज्ज्वल भविष्य के कामना करीन ।

ए अवसर म नगरीय प्रशासन मंत्री डॉ. शिवकुमार डहरिया, छत्तीसगढ़ गृह निर्माण मंडल के अध्यक्ष कुलदीप जुनेजा, पार्षद कमरान अंसारी, अमरिंदर के पिता गोविंदर सिंह अउ माता सतवंत कौर घलो उपस्थित रिहीन ।

गौरतलब हे कि दुबई म 24 से 26 अक्टूबर 2022 तक आयोजित आईएबीबी प्रो-इंटरनेशनल बॉडी बिल्डिंग कॉम्पिटिशन के आयोजन करे गे रिहीन, जेमा 35 ले 40 देश के 700 प्रतिभागी मन ह हिस्सा ले रिहीन। प्रतियोगिता म अमरिंदर सिंह ह भारत के प्रतिनिधित्व करत हुए कांस्य पदक हासिल करीन हे ।