Raipur : कस्टम मिलिंग बर 101 लाख मीट्रिक टन ले जादा धान के होगे उठाव, पढ़व

जय जोहार। (chhattisgarh) प्रदेस म अब तक कस्टम मिलिंग बर 101 लाख मीट्रिक टन ले जादा धान के उठाव हो चुके हे, जबकि 104 लाख मीट्रिक टन ले जादा धान के उठाव बर डीओ जारी कर दे गेहे। प्रदेस के किसान मन ले ए बछर 107.53 लाख मीट्रिक टन धान के खरीदी करे गेहे।

गौरतलब हे कि मुख्यमंत्री भूपेश बघेल के पहल म पिछले बछर के तर्ज म ए बछर घलो धान खरीदी के संगेसंग कस्टम मिलिंग बर उपार्जन केन्द्र ले धान के उठाव सुरू करे गे रिहीन, जेखर सेती राज्य सरकार ल परिवहन व्यय म काफी कमी आइन हे । एखर संग ही धान खरीदी के बाद धान उठाव के प्रक्रिया ले घलो निजात मिले हे । राज्य सरकार डहार ले ए बछर 23 लाख 42 हजार ले जादा किसान ले 31 जनवरी 2023 तक 107.53 लाख मीट्रिक टन धान के खरीदी करे गेहे। किसान ल धान खरीदी के एवज म 22 हजार 67 करोड़ रुपिया के भुगतान करे गेहे ।