जय जोहार । राजस्व अउ आपदा प्रबंधन मंत्री जयसिंह अग्रवाल ह कोरबा ले परिचालित होवत सबो यात्री गाड़ी के परिचालन ल पूर्व के तरह गेवरा रोड रेलवे स्टेशन ले बहाल करे बर रेल मंत्री अश्वनी वैष्णव ल पत्र लिखे हे ।
राजस्व मंत्री ह पत्र म लिखे हे कि दक्षिण पूर्व मध्य रेलवे मण्डल के अन्तर्गत कोरबा जिला एक ठन महत्वपूर्ण औद्योगिक क्षेत्र हे, जिहां ऐशिया के सबले जादा कोयला उत्पादक खदान के संग ही केन्द्र अउ राज्य सरकार के आलावा निजी क्षेत्र के कई ठन विद्युत संयंत्र स्थापित हे । पत्र म ए बात म जोर दे गेहे कि सबो प्रतिष्ठान म देस के प्रायः सबो राज्य के मनखे मन ह कार्यरत हे अउ सबो औद्योगिक गतिविधि के सेती ले कोरबा एक ठन प्रमुख व्यावसायिक केन्द्र के संग ही ऊर्जाधानी के रूप म घलो अपन एक ठन पहचान रखत हे ।
जयसिंह अग्रवाल ह पत्र म लिखे हे कि यात्री के सुविधा बर पूर्व म लोकल अउ लम्बी दूरिया के सबो रेलगाड़ी छत्तीसगढ़ एक्सप्रेस (कोरबा-अमृतसर), शिवनाथ एक्सप्रेस (कोरबा-नागपुर), कोचीन एक्सप्रेस (कोरबा-कोचीन) के संग ही सबो लोकल अउ मेमू रेलगाड़ी के गेवरा रोड रेलवे स्टेशन ले करे जात रिहीन, जेला बछर 2020 म कोविड काल ले अस्थाई तौर म बन्द कर दे गे रिहीन ।
लगभग एक बछर पूर्व ले जब स्थिति सामान्य हो गेहे अउ देस के सबो रेलखण्ड के सबो मेल-एक्सप्रेस, पैसेंजर अउ लोकल रेलगाड़ी के परिचालन पूर्व के भांति बहाल कर दे गेहे, अइसे स्थिति म कोरबा के आम जनता ह रेलवे के ए सुविधा ले आज घलो वंचित हे ।
