जय जोहार । (chhattisgarh) राज्य सरकार के महत्वाकांक्षी ‘नरवा विकास योजना’ के सफल क्रियान्वयन ले वनांचल के तस्वीर ही बदल गेहे । गौरतलब हे कि छत्तीसगढ़ म नरवा विकास कार्यक्रम के तहत कैम्पा मद के अंतर्गत वनांचल के नाला म काफी तादाद म भू-जल संरक्षण संबंधी काम के तेजी ले क्रियान्वयन जारी हे । एखर ले वन क्षेत्र के भू-जल स्तर म काफी सुधार दिखे ल लगे हे। वनवासी अउ क्षेत्रवासियों ल पेयजल, सिंचाई अउ निस्तारी आदि सुविधा के भरपूर लाभ मिले ल लगे हे । संगेसंग एखर ले वन संरक्षण अउ संवर्धन के काम ल घलो बढ़ावा मिले हे । राज्य म एखर उत्कृष्ट प्रदर्शन बर वन अउ जलवायु परिवर्तन विभाग ल ’स्कॉच अवार्ड’ के पर्यावरण श्रेणी बर स्वर्ण पुरस्कार घलो मिल चुके हे ।
उल्लेखनीय हे कि छत्तीसगढ़ म गत चार बछर के दउरान राज्य सरकार डहार ले चलाए जावत महत्वाकांक्षी ‘नरवा विकास‘ योजना के तहत वनांचल के 6 हजार 395 नाला के लगभग 23 लाख हेक्टेयर जल ग्रहण क्षेत्र ल उपचारित करत कई जल संरचना के निर्माण तेजी ले करे जावत हे । एखर तहत एक करोड़ 61 लाख ले जादा भू-जल संरक्षण संबंधी संरचना के निर्माण सामिल हे।
ए संरचना म ब्रश वुड चेक डैम, लूज बोल्डर चेक डैम, गेबियन संरचना, मिट्टी चेक डैम, कंटूर ट्रेंच, वाटर अब्जॉर्प्शन ट्रेंच अउ स्टेगर्ड कंटूर ट्रेंच के निर्माण सामिल हे। एखर आलावा गली प्लग, चेक डैम, स्टॉप डैम, परकोलेशन टैंक, तालाब, डबरी अउ वाटरहोल आदि भू-जल संरक्षण संबंधी संरचना के निर्माण करे जावत हे।
मुख्यमंत्री भूपेश बघेल के पहल अउ वन मंत्री मोहम्मद अकबर के मार्गदर्शन म राज्य के वन क्षेत्र म भू-जल संरक्षण अउ संवर्धन बर बड़े तालाब म जल स्त्रोत, नदी-नाला अउ तालाब ल पुनर्जीवित करे के काम ले गेहे । एमा बछर 2019-20 में 863 नाला के चयन कर करीबन 5 लाख हेक्टेयर भूमि ल उपचारित करे बर 12 लाख ले जादा संरचना के निर्माण सामिल हे । जेमा 160 करोड़ 55 लाख रुपिया के रासि ले 25 जिला के अंतर्गत कुल 32 वनमंडल, 1 राष्ट्रीय उद्यान, 2 टायगर रिजर्व, 1 सामाजिक वानिकी अउ 1 एलीफेंट रिजर्व म भू-जल संवर्धन संबंधी संरचना के निर्माण चलत हे ।
