Janjgir Champa : मुख्यमंत्री कन्या विवाह योजना : 75 जोड़ा के कराइन हे शादी

जय जोहार। जांजगीर चाम्पा ((Janjgir Champa)) जिला म नवरात्रि के अष्टमी के अवसर म सामूहिक विवाह के आयोजन करे गीन। महिला अउ बाल विकास विभाग डहार ले मुख्यमंत्री सामूहिक कन्या योजना के तहत 75 जोड़ा के शादी कराए गीन। ए कार्यक्रम म विधानसभा अध्यक्ष चरण दास महंत अउ प्रभारी मंत्री जय सिंह अग्रवाल ह सिरकत करीन अउ नव दंपति ल आसीर्वाद दीन।

जांजगीर चाम्पा जिला के पांच विकास खंड के 75 जोड़ा गरीब युवक युवती बर नवरात्रि के अष्टमी खास सौगात लेके आइन हे। 75 युवक युवती ह नव जीवन म प्रवेश करीन। महिला एवं बाल विकास विभाग डहार ले जांजगीर के हाई स्कूल ग्राउंड म सामूहिक विवाह के आयोजन करे गीन। ए आयोजन म सामिल वर वधु ह सासन के योजना के तारीफ करीन अउ किहीन कि ओखर पारिवारिक स्थिति ह अच्छा नई हे अउ शादी बर खर्च कर पाना मुश्किल रिहीन , लेकिन शासन डहार ले आयोजित कन्या विवाह योजना म शादी करे के मउका मिलीन, जिहां पूरा सासन प्रसासन शादी म उपस्थित रिहीन अउ ओमन ल सासन ले 25 हजार रूपिया के उपहार घलो मिलीन।

मुख्यमंत्री सामूहिक विवाह म विधानसभा अध्यक्ष चरण दास महंत ह किहीन कि सासन ह गरीब जरूरत मंद मनखे मन बर सामूहिक विवाह के आयोजन कर सामाजिक दायित्व के घलो निर्वहन करत हे। अवइया बेरा म सामूहिक विवाह करइया जोड़ा ल सासन ह 25 हजार रुपिया ले बढ़ा के 50 हजार रुपिया के मदद करही।

मुख्यमंत्री सामूहिक कन्या दान योजना के तहत हुए शादी म जात पात, ऊंच नीच के भावना ले दूर हिन्दू रीति रीवाज ले सात फेरा लगवा के शादी संपन्न कराए गीन अउ क्रिशचन समाज के नव दंपति के विवाह फादर के माध्यम ले शादी कराए गीन। सबो जोड़ा ल दैनिक जीवन के सामाग्री वितरण करे गीन।