CM Bhupesh Baghel ह बस्तर म 13 अप्रैल के 129 करोड़ के 49 ठन विकास काम के करही लोकार्पण अउ भूमिपूजन

जय जोहार। सीएम भूपेश बघेल (CM Bhupesh Baghel) ह अपन 13 अप्रैल के बस्तर जिला म प्रवास के दउरान लगभग 129 करोड़ के 49 ठन विकास काम के सौगत देही । जेमा 62 करोड़ 29 लाख 47 हजार के 15 ठन विकास काम के लोकार्पण अउ 66 करोड़ 70 लाख ले जादा रासि के 34 ठन विकास काम के भूमिपूजन करही ।

जिला मुख्यालय जगदलपुर के लालबाग परेड ग्राउण्ड म आयोजित कार्यक्रम म मुख्यमंत्री श्री बघेल ह चित्रकोट जलप्रपात म लाईट अउ साउण्ड शो के घलो भूमिपूजन करही । लाईट एवं साउण्ड शो बर 9 करोड़ रुपिया के रासि मंजूर करे गेहे। मुख्यमंत्री ह जेन नवा 15 ठन काम के लोकार्पण करही। एमा मुख्य रूप ले बस्तर जिला के विभिन्न स्थान म 61 करोड़ 61 लाख रुपिया के लागत ले 12 ठन नवा सड़क अउ बामनपारा ले रंधारीरासपारा म स्लेब कलवर्ट अउ जिला मुख्यालय के तीर धान खरीदी केन्द्र सरगीपाल अउ सोनारपाल म 26 लाख रुपिया के लागत ले 500 मैट्रिक क्षमता के गोदाम सह चबुतरा सामिल हे ।