जय जोहार। (chhattisgarh) अब हमन ह बुझाबो जंगल के आगी… ये कहना हे जंगल ल आगी के लपटा ले बचावत हरियाली के प्रतीक स्वरूप हरा रंग के साड़ी पहने बेलतरा सर्किल के अंतर्गत जय मां शारदा महिला स्व-सहायता समूह के महिला मन के । ये महिला मन जंगल के महत्ता ल समझ ओला आगी ले बचाए बर स्वयं आगू आए हे अउ वनकर्मी के संग अपन मुफत योगदान देत हुए बराबर के भागीदारी निभावत हे ।
गौरतलब हे कि वन ल आगी ले बचाव अत्यंत आवश्यक हे । वन विभाग के अनुसार आगी सीजन 15 फरवरी ले प्रारंभ हो गेहे अउ 15 जून तक वन ल आगी ले बचाना विभाग के प्राथमिकता म हे । ए तारतम्य म वन विभाग डहार ले वन ल आगी ले बचाए बर जागरूकता अभियान घलो चलाए जावत हे । ग्रामीण ल करे जावत जागरूकता अभियान ले प्रभावित होके वनमंडल बिलासपुर के अंतर्गत जय मां शारदा महिला समूह के महिला मन ह जंगल ल आगी के लपटा ले बचाए बर स्वयं आगू आके वन विभाग के सामने अपन प्रस्ताव रखीन ।
महिला मन के उत्सुकता अउ जागरूकता ल देखत हुए वन मण्डलाधिकारी बिलासपुर कुमार निशांत डहार ले अपन अधीनस्थ वन कर्मचारी ल निर्देसित करे गेहे महिला मन जेन ए विसेस काम बर आगू आए हे ओमान ल जंगल म लगे आगी ल बुझाए बर प्रसिक्षित करे जाए वन विभाग डहार ले हरियाली के प्रतीक स्वरूप ए महिला मन ल हरा रंग के साड़ी के वेश-भूषा दे गेहे। जंगल ल आगी ले बचाए बर ग्रामीण महिला मन डहार ले मुफत काम करे जावत हे । ए काम म वनकर्मी घलो एखर संग म रहत हे । जेन महिला मन ह ये बीड़ा उठाए हे, ओमा ले प्रमुख रूप ले रमशीला बाई सोरठे, अनारकली आयाम, सोनम बाई, सत कुमारी मरावी, उमा महंत अउ जानकी बाई उइके आदि सामिल हे ।
