CM Bhupesh Baghel ह करीन कृषक सभागार भवन, क्लस्टर क्लासरूम भवन, महात्मा गांधी उद्यानिकी अउ वानिकी विवि कैम्प कार्यालय के उद्घाटन

जय जोहार। सीएम भूपेश बघेल (CM Bhupesh Baghel) ह आज कृषक सभागार भवन, नव निर्मित क्लस्टर क्लासरूम भवन, महात्मा गांधी उद्यानिकी अउ वानिकी विवि कैम्प कार्यालय के उद्घाटन करीन । ए अवसर म सीएम ह किहीन कि ये प्रदेस कृषि प्रधान प्रदेस हे, 70 ले 80 फीसद मनखे मन ह कृषि म आधारित हे । ए चार बछर म कृषि उत्पादन म अत्यधिक वृद्धि होए हे।

वोहा किहीन कि छत्तीसगढ़ म बड़का मात्रा म खास करके आदिवासी अंचल म कोदो, कुटकी, रागी के उत्पादन करत हे । छत्तीसगढ़ सरकार ह कोदो अउ कुटकी के समर्थन मूल्य ल निर्धारित करीन अउ ओखर खरीदी के व्यवस्था घलो करे हे। बस्तर कॉफी ह अब काफी लोकप्रिय होवत हे। हमन ह ओखर मांग के पूर्ति घलो नई कर पावत हन।

वोहा किहीन कि बस्तर क्षेत्र म पहिले किसान ह मिर्ची के तोड़ाई बर आंध्र प्रदेस अउ तेलंगाना जाए करत रिहीन । अब किसान ह खुद ही बस्तर म मिर्ची के खेती करत हे । प्रदेस म उद्यानिकी अउ वानिकी के विकास बर भरपूर संभावना हे । छत्तीसगढ़ उद्यानिकी अउ वानिकी के क्षेत्र म एक बड़का हब बनही अउ देस -विदेस ले मनखे मन ह इंहा अध्ययन बर आही ।