जय जोहार। सीएम भूपेश बघेल (CM Bhupesh Baghel) ह आज रायपुर ग्रामीण विधानसभा क्षेत्र म आयोजित भेंट-मुलाकात कार्यक्रम म सामिल होही। ए दउरान सीएम ह विभिन्न विकास काम के लोकार्पण अउ भूमिपूजन करही ।
निर्धारित कार्यक्रम के अनुसार मुख्यमंत्री भूपेश बघेल ह मंझनिया 12.10 बजे मोवा स्थित पाम-बेलाजियो अपार्टमेंट के सामने 1000 सीटर गारमेंट फैक्ट्री के भूमिपूजन करही। एखर बाद सीएम ह मंझनिया 12.35 बजे माना स्थित पुष्पवाटिका पहुंचके जल आवर्धन योजना के भूमिपूजन करही । मुख्यमंत्री ह मंझनिया 12.55 बजे लालपुर स्थित जय शीतला माता मंदिर जाही ।
मुख्यमंत्री ह मंझनिया 1.05 बजे बोरियाखुर्द स्थित मिनी स्टेडियम न कई ठन विकास काम के लोकार्पण अउ भूमिपूजन करही। उंहा भेंट-मुलाकात कार्यक्रम म सामिल होके आमजन ले संवाद करही । एखर पश्चात सीएम ह मंझनिया 3.15 बजे विभिन्न प्रतिनिधिमंडल ले मुलाकात करही ।
Other Articles
