जय जोहार। मुख्यमंत्री भूपेश बघेल के निर्देशन म छत्तीसगढ़ राज्य ह प्रधानमंत्री आवास योजना (शहरी) म बड़का उपलब्धि हासिल करे हे । दिल्ली म आयोजित कार्यक्रम म केंद्रीय आवासन अउ शहरी कार्य मंत्रालय के सचिव मनोज जोशी ह छत्तीसगढ़ ल आवास निर्माण के क्षेत्र म उल्लेखनीय काम बर पुरस्कृत करीन हे।
हाउसिंग एंड अर्बन डेवलपमेंट कॉर्पोरेशन लिमिटेड (हडको), नई दिल्ली के 53वां स्थापना दिवस के अवसर म आवास निर्माण के क्षेत्र म अभिनव परयास अउ उत्कृष्ट योगदान बर राज्य शहरी विकास अभिकरण छत्तीसगढ़ ल सम्मानित अउ पुरस्कृत करे गेहे । दिल्ली म आयोजित ए समारोह म आवासन अउ शहरी कार्य मंत्रालय डहार ले ये पुरस्कार छत्तीसगढ़ ल दे गेहे , जेला सूडा के सीईओ सौमिल रंजन चौबे ह ग्रहण करीन । मुख्यमंत्री भूपेश बघेल ह राज्य के ए उपलब्धि म हर्ष व्यक्त करत हुए किहीन कि राज्य सरकार ह सबो हितग्राही ल आवास योजना के लाभ दिलाए बर तत्पर हे ।
उल्लेखनीय हे कि नगरीय प्रशासन मंत्री डॉ शिव कुमार डहरिया के मार्गदर्शन म प्रधानमंत्री आवास योजना (शहरी) के अंतर्गत सबो नगरीय निकाय म सबो बर आवास उपलब्ध कराए के काम मिशन मोड म करे जावत हे । वर्तमान म राज्य शहरी विकास अभिकरण (सूडा ) डहार ले राज्य के सबो 33 जिला के सबो 170 नगरीय निकाय म प्रधानमंत्री आवास योजना (शहरी) सबके बर आवास मिशन के क्रियान्वयन करे जावत हे। ए योजना के अन्तर्गत अब तक 2 लाख 62 हजार ले जादा आवास के स्वीकृति प्राप्त हे, जेमा ले अब तक 1 लाख 40 हजार घर के सफलतापूर्वक पूर्ण कर ले गेहे।
