जय जोहार। सीएम भूपेश बघेल ह भेंट-मुलाकात अभियान के तहत आज संझा रायपुर ग्रामीण विधानसभा क्षेत्र के बोरियाखुर्द म विभिन्न सामाजिक संगठन ले भेंट-मुलाकात करीन । ए अवसर म सीएम ह ट्रांसपोर्ट नगर म डॉ. खूबचंद बघेल के मूर्ति स्थापना अउ नावकरण करे के निर्देश संबंधित अधिकारी ल देहे ।
ए दउरान सीएम भूपेश बघेल ह झिरिया साहू समाज बर बिरगांव म सामुदायिक भवन निर्माण बर 25 लाख के स्वीकृति प्रदान करत हुए कर्मा माता के मूर्ति स्थापित करे के घोसना करीन। वोहा झिरिया साहू समाज ल जमीन आवंटित करे के निर्देश संबंधित अधिकारी ल देहे । मुख्यमंत्री ह सिंधी समाज के भवन बर 20 लाख रुपिया , क्षत्रिय समाज ल भनपुरी म भवन निर्माण बर 20 लाख रुपिया, दलदल सिवनी म साहू समाज जमीन के मांग म जमीन दे के निर्देश देहे ।
सीएम ह मुस्लिम समाज के मांग म ओमन ल 7000 स्क्वेयर फिट जमीन दे के अउ भवन के बाउंड्री वाल के निर्माण बर 25 लाख रुपिया दे के घोसना करीन । सतनामी समाज उरला अउ सतनामी समाज मोवा के मांग म जमीन आबंटन अउ बाबा साहेब अंबेडकर के मूर्ति स्थापना के निर्देश देहे । मुख्यमंत्री ह सेन समाज के मांग म धाम शेड निर्माण बर 15 लाख रुपिया दे के घोसना करीन । उहें देवांगन समाज ल जमीन आबंटन करे के निर्देश देहे ।
सीएम ह पटेल समाज ल दलदल सिवनी म जमीन नाव होए के बाद रासि दे के आश्वासन देहे। मुख्यमंत्री ल गाड़ा समाज ह बताइन कि जमीन चिन्हित हो गेहे, जेखर बाद मुख्यमंत्री ह भवन बनाए बर रासि जमीन रजिस्ट्री के बाद दे के आश्वासन देहे । कायस्थ समाज अउ गुप्ता समाज के मांग म जमीन दे के निर्देश देहे ।
सीएम ह छात्र समृद्ध सिंह के मांग म यूनिवर्सिटी ऑफ टैक्सेस म पढ़ाई बर 5 लाख रुपिया दे के निर्देश देहे, उहें छात्र सोनी साहू ल सीए के पढ़ाई बर एक लाख रुपिया दे के घोसना करीन । यादव समाज ह 10 प्रतिशत दर म जमीन आबंटन के निर्देश बर मुख्यमंत्री के आभार व्यक्त करीन । ब्राम्हण समाज के मित्र वाहिनी संगठन ल सामुदायिक भवन बर 5000 स्क्वेयर फीट जमीन आबंटन के घोसना करीन।
No Comment! Be the first one.