Raipur : सीएम ह करीन घोसना, दानवीर दाऊ कल्याण सिंह के नाव म होही नवा रायपुर म चौक के नामकरण

मुख्यमंत्री भूपेश बघेल ह विभिन्न सामाजिक संगठन के प्रतिनिधिमंडल ले करीन भेंट-मुलाकात

जय जोहार । (Raipur) सीएम भूपेश बघेल ह भेंट-मुलाकात अभियान के तहत आज रायपुर दक्षिण विधानसभा क्षेत्र के माधवराव सप्रे स्कूल परिसर म विभिन्न सामाजिक संगठन ले भेंट-मुलाकात करीन । सीएम ह ए अवसर म दानवीर दाऊ कल्याण सिंह के नाव् म नवा रायपुर म चौक के नामकरण करे के घोसना करीन ।

वोहा सामाजिक संगठन के अनुरोध म सामाजिक भवन, छात्रावास आदि बर रासि के मंजूरी दीन । बाल्मिकी समाज के प्रतिनिधि मंडल ह मुख्यमंत्री ल अखिल भारतीय बाल्मिकी महासभा के परिचय सम्मेलन बर आमंत्रित करीन । ए अवसर म महापौर रायपुर एजाज ढेबर, सभापति प्रमोद दुबे समेत कई जनप्रतिनिधि अउ बड़का संख्या म नागरिक उपस्थित रिहीन ।

मुख्यमंत्री ह मराठा समाज ल जर्जर भवन के मरम्मत बर 20 लाख रुपिया, धीवर समाज ल सामाजिक भवन बर 2500 वर्गफीट जमीन दे के, नायडू समाज ल मंगल भवन बर 20 लाख रुपिया, धोबी समाज ल सामाजिक भवन के 25 लाख रुपिय, सोनकर समाज चंगोराभाठा समाज के जर्जर छात्रावास के मरम्मत बर 42 लाख रुपियाअउ हलवाई लाईन जामा मस्जिद ट्रस्ट ल सर्व सुविधायुक्त सामाजिक भवन बर एक करोड़ के स्वीकृति प्रदान करीन ।

अइसने गुजराती लोहार समाज पुरान बाड़ी फाफाडीह के जीर्णोेद्धार बर 15 लाख रुपिया , यादव समाज ल कोटा गुढ़ियारी म सामाजिक भवन बर 20 लाख रुपिया, देवांगन समाज ल लाखेनगर मंडल म सामाजिक भवन के जीर्णोद्धार बर 15 लाख रुपिया, मरार पटेल समाज ल टिकरापारा म समाजिक भवन बर 20 लाख रुपिया , देवांगन समाज टिकरापारा ल छात्रावास भवन बनाए बर 15 लाख रुपिया, यादव समाज ल रायपुरा म सामाजिक भवन बर 20 लाख रुपिया, झेरिया यादव समाज ल छात्रावास भवन बर 20 लाख रुपिया के स्वीकृति प्रदान करीन ।