CM Bhupesh Baghel ह सतपथी चौक कटोरा तालाब म स्व.पं.लक्ष्मण जयदेव सतपथी के प्रतिमा के करीन अनावरण
जय जोहार । सीएम भूपेश बघेल (CM Bhupesh Baghel) ह आज प्रदेशव्यापी भेंट मुलाकात अभियान के अंतर्गत रायपुर दक्षिण विधानसभा के कटोरा तालाब के तीर सतपथी चौक म 65 हजार रुपिया के लागत ले भिलाई के रहवइया पद्मश्री नेल्सन डहार ले निर्मित स्व.पं.लक्ष्मण जयदेव सतपथी के प्रतिमा के अनावरण करीन । ए अवसर म मुख्यमंत्री ह सबो ल अपन बधाई अउ सुभकामना दीन।
मूर्ति अनावरण ले पूर्व दक्षिण विधानसभा के महिला मन ह मुख्यमंत्री के आरती कर आत्मीय स्वागत करीन । मुख्यमंत्री ह किहीन कि सतपथी जी अपन बात बिना झिझक के सामने रखत रिहीस । ओखर व्यक्तित्व के अनुरूप ही मूर्ति के स्थापना होए हे । मुख्यमंत्री श्री बघेल ह इंहा अर्पण स्कूल के मूक बधिर लईका मन ल बैग के वितरण घलो करीन ।
ए अवसर म नगर निगम रायपुर महापौर एजाज़ ढेबर, नगर निगम सभापति प्रमोद दुबे, जनप्रतिनिधि, कलेक्टर डॉ. सर्वेश्वर भुरे, वरिष्ठ पुलिस अधीक्षक प्रशांत अग्रवाल, निगम आयुक्त मयंक चतुर्वेदी समेत बड़का संख्या म आमजन उपस्थित रिहीन ।
