CM Bhupesh Baghel ह 30 अप्रैल के मुंगेली विधानसभा क्षेत्र म मनखे मन ले करही भेंट-मुलाकात
जय जोहार। सीएम भूपेश बघेल (CM Bhupesh Baghel) ह 30 अप्रैल के मुंगेली विधानसभा क्षेत्र के जरहागांव म मनखे मन ले भेंट-मुलाकात कर जनसमस्या के बारे म जानकारी अउ शासकीय योजना -कार्यक्रम के बारे म फीडबैक लेही । मुख्यमंत्री मुंगेली म सर्किट हाउस म संझा के विभिन्न समाज के प्रतिनिधि ले भेंट-मुलाकात करे के बाद कवि सम्मेलन कार्यक्रम म शिरकत करही।
जारी दउरा कार्यक्रम के अनुसार मुख्यमंत्री भूपेश बघेल ह मुख्यमंत्री निवास म बिहनिया 11.30 बजे आयोजित बेरोजगारी भत्ता योजना के तहत हितग्राही ल ऑनलाईन रकम के अंतरण करही । सीएम ह मंझनिया 12.10 बजे राजधानी के पुलिस परेड ग्राउण्ड ले हेलीकॉप्टर ले प्रस्थान कर 12.40 बजे मुंगेली विधानसभा क्षेत्र के जरहागांव पहुंचही । मुख्यमंत्री ह मंझनिया 12.45 बजे दुर्गा मंदिर म दर्शन के बाद आम जनता ले भेंट-मुलाकात करही अउ स्थानीय समस्या के बारे म जानकारी लेही । मुख्यमंत्री ह जरहागांव ले मंझनिया 2.50 बजे कुआगांव पहुंचके गौठान के अवलोकन करे के बाद मंझनिया 3.20 बजे दाऊपारा पहुंचही ।
मुख्यमंत्री ह इंहा स्वामी आत्मानंद स्कूल म आयोजित कार्यक्रम म शासन के योजना अउ मुंगेली जिला म हुए नवाचार के संबंध म लगाए गे प्रदर्शनी के अवलोकन करही गे। मुख्यमंत्री ह संझा 5.30 बजे ले 7.30 बजे तक मुंगेली के सर्किट हाउस म विभिन्न समाज के प्रतिनिधि ले मुलाकात करही । मुख्यमंत्री ह रात 9.30 बजे मुंगेली के स्टेडियम म आयोजित कवि सम्मलेन शामिल होए के बाद रायपुर बर रवाना होही ।
