CM Bhupesh baghel ह स्वतंत्रता संग्राम सेनानी लाल श्याम शाह के जयंती म करीन नमन

जय जोहार। सीएम भूपेश बघेल (CM Bhupesh baghel ) ह 1 मई के स्वतंत्रता संग्राम सेनानी स्वर्गीय लाल श्याम शाह के जयंती म ओमन ल नमन करीन हे । सीएम श्री बघेल ह लाल श्याम शाह ल याद करत हुए किहीन कि लाल श्याम शाह ह राजनांदगांव जिला के पानबरसा के निवासी रिहीस । वोहा सीपी एन्ड बरार के बेरा सांसद अउ विधायक के रूप म प्रदेस अउ देस के सेवा करीन । छत्तीसगढ़ राज्य निर्माण आंदोलन म घलो सक्रिय रिहीस । मध्य भारत के लाल श्याम शाह ह बड़का आदिवासी नेता रिहीस । क्षेत्र अउ प्रदेस के विकास म ओखर योगदान ल कभू भुलाए नई जा सकत।