![हिदायतुल्लाह नेशनल लॉ यूनिवर्सिटी के दीक्षांत समारोह म संघरिन सीएम बघेल, hidayattulah](https://jayjohar.com/wp-content/uploads/2023/06/hidayattulah-1000x600.jpg)
हिदायतुल्लाह नेशनल लॉ यूनिवर्सिटी के दीक्षांत समारोह म संघरिन सीएम बघेल,
- 152 स्नातक, 55 झन ल स्नातकोत्तर के डिग्री, 2 विद्यार्थी ल पीएचडी
- असाधारण शैक्षणिक उपलब्धि बर 36 विद्यार्थी मन ल स्वर्ण पदक
मुख्यमंत्री भूपेश बघेल आज नवा रायपुर स्थित हिदायतुल्लाह नेशनल लॉ यूनिवर्सिटी के 6 वां दीक्षांत समारोह म संघरे रिहिन। ट्रिपल आईटी के ऑडिटोरियम म आयोजित ए दीक्षांत समारोह के अध्यक्षता भारत के सर्वाेच्च न्यायालय के न्यायाधीश अऊ एचएनएलयू के कुलाध्यक्ष न्यायमूर्ति अनिरुद्ध बोस ह करिन। ए बेरा म एचएनएलयू के कुलाधिपति अऊ छत्तीसगढ़ उच्च न्यायालय के मुख्य न्यायाधीश रमेश सिन्हा ह दीक्षांत समारोह के शुभारंभ के घोसना करिन। कार्यक्रम म राईट नेचर एण्ड सस्टेनेबिलिटी अऊ एचएनएलयू जर्नल ऑफ लॉ एण्ड सोशल साइंसेस नाम के किताब के विमोचन घरो करे गिस।
दीक्षांत समारोह म विधि म स्नातक के परीक्षा उत्तीर्ण करईया 152 विद्यार्थी अऊ स्नातकोत्तर परीक्षा उत्तीर्ण करईया 55 छात्र मन के संग 2 विद्यार्थी देबमिता मंडल अऊ श्रद्धा राजपूत ल एचएनएलयू के फैकल्टी म डॉक्टर ऑफ फिलॉसफी के डिग्री प्रदान करे गिस। कार्यक्रम म 13 यूजी अऊ 3 पीजी छात्र मन ल उँखर असाधारण शैक्षणिक उपलब्धि बर 36 स्वर्ण पदक घलो प्रदान करे गिस। ए पदक मन म चांसलर के स्वर्ण पदक, सर्वश्रेष्ठ प्रदर्शन करईया छात्रा बर विश्वविद्यालय के स्वर्ण पदक, छत्तीसगढ़ राज्य बार काउंसिल स्वर्ण पदक, स्वर्गीय कमल नारायण शर्मा स्वर्ण पदक, स्वर्गीय श्रीमती शांति देवी अग्रवाल स्मृति स्वर्ण पदक, श्री विद्याधर मिश्र स्मृति स्वर्ण पदक, दिनेश प्रसाद श्रीवास्तव स्मृति स्वर्ण पदक, स्वर्गीय श्री हमीदुल्लाह खान पूर्व विधायक कबीरधाम स्वर्ण पदक, स्वर्गीय के. पी. मुंशी स्वर्ण पदक, सैयद वकील अहमद रिजवी स्वर्ण पदक शामिल हे।
दीक्षांत समारोह म भारत के सर्वाेच्च न्यायालय के पूर्व न्यायाधीश अऊ एचएनएलयू कार्यकारी परिषद के पूर्व सदस्य जस्टिस एमआर शाह, भारत के सर्वाेच्च न्यायालय के न्यायमूर्ति प्रशांत कुमार मिश्रा, छत्तीसगढ़ उच्च न्यायालय के न्यायाधीश सैम कोशी, न्यायमूर्ति संजय के अग्रवाल, राष्ट्रीय न्यायिक अकादमी, भोपाल के पूर्व निदेशक न्यायमूर्ति गोड़ा रघुराम के संगे-संग कई शिक्षाविद, विधिवेत्ता, अभिभावकगण अऊ छात्र-छात्रा मन बड़ संख्या म उपस्थित रिहिन।