जिला पंचायत म अधिकारी- कर्मचारी मन ह श्रमदान करके दिस स्वच्छता के संदेश

जशपुरनगर। कलेक्टर रोहित व्यास के निर्देशन अउ मुख्य कार्यपालन अधिकारी जिला पंचायत अभिषेक कुमार के मार्गदर्शन म सुघ्घर ऑफिस अभियान के अन्तर्गत जिला पंचायत परिसर म स्वच्छता श्रमदान कर स्वच्छता के संदेश देय गिस। जेमा जिला पंचायत के समस्त अधिकारियों अउ कर्मचारी मन ह परिसर के चारों कोती, ऑफिस के अंदर, समस्त गार्डन अउ पार्किंग स्थल के श्रमदान ले साफ सफाई करिन।

जिला स्तरीय सुघ्घर ऑफिस प्रतियोगिता म स्थान पाए बर जिला पंचायत के अधिकारी अउ कर्मचारी मन ह तन- मन- धन ले प्रयास करत  हे जेमा मुख्य कार्यपालन अधिकारी जिला पंचायत अभिषेक कुमार ह कर्मचारी मन ल नियमित प्रोत्साहित करत हे।