मंत्री राजवाड़े उदयपुर म महिला अउ बाल विकास मंत्रालय के आयोजित चिंतन शिविर म होहि शामिल

रायपुर। महिला और बाल विकास मंत्री लक्ष्मी राजवाड़े  10 ले 12 जनवरी तक राजस्थान के उदयपुर शहर म चिंतन शिविर म शामिल होही। शिविर म  शामिल होके राज्य अउ केन्द्र शासित प्रदेश के प्रतिनिधी मन के संग स्वतंत्र रुप ले चर्चा करहि। महिला अउ बाल विकास मंत्रालय द्वारा आयोजित ए तीन दिवसीय कार्यक्रम म केंद्र सरकार अउ राज्य सरकार के गणमान्य व्यक्ति अउ वरिष्ठ अधिकारी मन सहित प्रमुख हितधारक एक संघरा एक मंच म उपस्थित रहि। शिविर के माध्यम ले देश भर म महिला अउ लइका मन के समग्र विकास अउ कल्याण ले जुड़े चुनौती के सामना करइया विभिन्न मुद्दा म चर्चा के माध्यम ले ए चुनौती के निराकरण बर हर संभव समाधान निकाले के प्रयास करे जाहि।
केन्द्रीय महिला अउ बाल विकास मंत्री अन्नपूर्णा देवी शामिल होवत कार्यक्रम के शुभारंभ करहि। ए अवसर म महिला अउ बाल विकास राज्य मंत्री सावित्री ठाकुर, वर्तमान म संचालित योजना के अद्यतन जानकारी साझा करहि, राजस्थान के मुख्यमंत्री भजन लाल शर्मा,  राजस्थान के उपमुख्यमंत्री दीया कुमारी  अउ राज्य अउ केंद्र शासित प्रदेश के महिला अउ बाल विकास विभाग के मंत्री घलो शामिल होहि।
ए कार्यक्रम म मंत्रालय के प्रमुख पहलु म ध्यान केंद्रित करइया कई महत्वपूर्ण सत्र म मिशन वात्सल्य, मिशन शक्ति अउ मिशन सक्षम आंगनवाड़ी अउ पोषण 2.0 शामिल हें। ए सत्र के उद्देश्य महत्वपूर्ण मुद्दा के समाधान निकालना अउ भारत म महिला मन के कल्याण अउ लइका मन के विकास ल मजबूत बनाए बर भविष्य के मार्ग प्रशस्त करना हे।
ए कार्यक्रम म विभिन्न राज्य अउ केंद्र शासित प्रदेश के ओर ले सर्वोत्तम अभ्यास प्रस्तुती दे जाहि। ए प्रस्तुती महिला अउ लइका मन के सामने अवइया समस्या के समाधान के उद्देश्य ले करे गे सफल क्रियान्वयन म ध्यान केंद्रित करहि, संग म लाभार्थी मन ल बेहतर तरीका ले सेवा प्रदान करे बर जिला म कइसे बढ़ाए जाए, इस म चर्चा करे जाहि।
शिविर म राज्य/केन्द्र शासित प्रदेश के प्रतिनिधी मन के संग खुला चर्चा के सुविधा होही, जेखर ले चुनौती के समाधान करे बर , विचार ल साझा करे बर अउ सहयोगात्मक समस्या-समाधान म शामिल होए बर एक मंच प्रदान करे जाहि, आंगनवाड़ी केंद्र ल मजबूत करना ताकि ओमन ल पोषण, शिक्षा, स्वास्थ्य अउ जागरूकता अउ सेवा के केंद्र के रूप म विकसित करे जा सकय, मिशन वात्सल्य बेहतर चाइल्डकेयर संस्थान, पालन-पोषण देखभाल, गोद ले अउ बाद के देखभाल के माध्यम ले बाल कल्याण ल तेज करना, मिशन शक्ति महिला के सुरक्षा, बाल विवाह अउ महिला मन ल सशक्त बनाए बर विशेष रूप ले शी-बॉक्स पोर्टल के माध्यम ले प्रौद्योगिकी के उपयोग जइसन मुद्दा के समाधान निकालना हे।
महिला अउ बाल विकास मंत्रालय अउ राजस्थान सरकार ए महत्वपूर्ण कार्यक्रम के मेज़बानी करत हें। ए सहयोगात्मक प्रयास प्रभावशाली नीतिगत निर्णय अउ कल्याणकारी कार्यक्रम के प्रभावी क्रियान्वयन के मार्ग प्रशस्त करहि।