प्रधानमंत्री आवास योजना ले बने मकान म अधिक सुरक्षित महसूस करत हे हितग्राही

रायपुर।  महल हो या झोपड़ी अपन घर अपन होथे, अउ हर व्यक्ति के एक सपना होथे कि छांव बर ओखर एक खुद के घर हो। स्वयं के घर होए ले कतको सारा फायदे हें अपन घर व्यक्ति ल वित्तीय सुरक्षा देथे। एक घर ल अपन घर कहे म जेन गौरव के अनुभूति होथे, ए सपना ल सरकार ह साकार करत हे। समाज के आर्थिक रूप ले कमजोर तबका के भलाई बर सरकार ह प्रधानमंत्री आवास योजना संचालित करत हे। ए योजना ले जरूरत मंद मन ल आवास घलो स्वीकृत  करे जात हे।
    प्रधानमंत्री आवास योजना लोगन ल न सिर्फ सिर म पक्का आवास के सुखद अनुभव करात हे, बल्कि हितग्राही पहली की अपेक्षा अब अधिक सुरक्षित अउ बेहतर महसूस करत हे। योजना के तहत पक्का आवास मिले ले हितग्राही मन म संतुष्टि के भाव परिलक्षित होवत हें। अइसने ही एक उदाहरण उत्तर बस्तर कांकेर जिला के कांकेर विकासखंड के ग्राम माकड़ीखुना की रहइया मानबाई यादव म देखे बर मिलत हे। प्रधानमंत्री आवास योजना के तहत वर्ष 2024-25 म ओमन ल आवास स्वीकृत होए रीहिन, जेखर निर्माण कार्य वर्तमान म तेजी ले  प्रगति म हे। फिलहाल उखर लिंटल लेवल के कार्य चलत हे अउ शीघ्र ही पूरा होए के उम्मीद घलो हे।
        ओ ह अपन पुराना कच्चा मकान म अपन बेटा-बहू के संग रहत रिहीन हें। ओखर बड़का बेटा ट्रक चलाथे, जबकि छोटे बेटा एक निजी टेंट दुकान म कार्य करथे। खुद ओ ह यादव मजदूरी के काम करके अपने परिवार के भरण-पोषण करथे। मानबाई यादव ह बतायिन कि वो गरीब हें अउ कभु सोचे घलो नई रिहीस कि ओखर घलो  पक्का मकान बनहि। ओ ह बतायिस कि फिलहाल ओ अपन परिवार के संग कवेलुपोश घर म रहत हें जेन सुरक्षा के लिहाज ले ठीक नई हे। जंगली जानवर मन के भय हमेशा सतात रहिथे अउ असहज घलो महसूस होथे, लेकिन अब प्रधानमंत्री आवास योजना के तहत ओमन ल ए सुविधा मिल म उखर  सिर म पक्का आवास होही। एला लेके ओमन ह प्रधानमंत्री नरेंद्र मोदी अउ मुख्यमंत्री विष्णुदेव साय के धन्यवाद देवत कहिन कि ए योजना ले उखर पक्का मकान बनाए के सपना जल्द ही हकीकत म बदल जाहि। ग्रामीण क्षेत्र म ए योजना ले गरीब मन ल बड़ राहत मिलत हे अउ उखर जीवनशैली म लगातार सुधार होवत हे।