रायपुर। मुख्यमंत्री विष्णु देव साय के मार्गदर्शन म प्रदेश के किसान मन ले सुगमता पूर्वक धान के खरीदी करे जात हे। उहें धान खरीदी व्यवस्था म वरिष्ठ अधिकारी मन ह लगातार मॉनीटरिंग करे जात हे। राज्य म 14 नवम्बर ले शुरू होए धान खरीदी के सिलसिला अनवरत रूप ले जारी हे। अब तक लगभग 124 लाख मीट्रिक टन ले अधिक धान के खरीदी हो चुके हे। प्रदेश के 23 लाख किसान मन ह धान बेचे चुके हें। अभी तक बैंक लिकिंग व्यवस्था के तहत 25 हजार 549 करोड़ रूपया किसान मन ल भुगतान करे गिस। धान खरीदी के ए अभियान 31 जनवरी 2025 तक चलहि।
प्रदेश के समस्त पंजीकृत कृषक मन ल खरीफ विपणन वर्ष 2024-25 म धान विक्रय हेतु टोकन के सुविधा ऑनलाईन एप्प (टोकन तुंहर हांथ) अउ उपार्जन केन्द्र म 25 जनवरी 2025 तक बर उपलब्ध करे गे हे। किसान सुविधा अनुसार तिथी के चयन कर नियमानुसार धान विक्रय कर सकत हे।
धान खरीदी के संग -संग मिलर्स ह धान के उठाव घलो तेजी ले होवत हे। अब तक 94 लाख मीटरिक टन धान के उठाव बर डीओ अउ टीओ जारी करे गिस हे, एखर एवज म 67 लाख मीट्रिक टन धान के उठाव कर लेन गे हे।
बता दन कि राज्य सरकार ह ए खरीफ बछर बर 27.78 लाख किसान मन ह पंजीयन करे गे हे। एमा 1.59 लाख नवा किसान शामिल हे। ए बछर 2739 उपार्जन केन्द्र मन के माध्यम ले 160 लाख मीट्रिक टन धान खरीदी अनुमानित हे।
