नई दिल्ली प्रवास के बखत देश के यशस्वी केंद्रीय गृह अऊ सहकारिता मंत्री माननीय अमित शाह ले सौजन्य भेंट -लक्ष्मी वर्मा
भेंट करके अलग-अलग समसामयिक अऊ जनहित ले जुड़े विषय ऊपर सार्थक चर्चा करे के अवसर मिलिस
ए मऊका म पश्चिम बंगाल जइसन लोकतंत्र बर चुनौतीपूर्ण अऊ जटिल राजनीतिक परिवेश म ऐतिहासिक जीत हासिल करके पहिली बार सरकार बनाय बर ओमन ला गाड़ा-गाड़ा बधाई अऊ सुभकामना देवत हंव। साथे-साथ असम अऊ पुडुचेरी म मिले बड़ सफलता बर घलो ओकर अभिनंदन करेंव।
एक साधारण कार्यकर्ता अऊ बूथ स्तर ले संगठन म काम करइया मोर जइसन कार्यकर्ता ऊपर बिसवास जताके राज्यसभा सांसद के जिम्मेदारी बर चुने बर आदरणीय अमित शाह जी के प्रति हिरदे ले आभार प्रकट करेंव। ए मोर बर सिरिपु व्यक्तिगत सम्मान नोहे, बल्कि संगठन के कार्यकर्ता आधारित कार्यसंस्कृति अऊ समर्पित कार्यकर्ता के प्रति नेतृत्व के बिसवास के प्रतीक आय।
गोठ-बात के बीच म बस्तर इलाका म नक्सलवाद के बिरुद्ध केंद्र सरकार कोति ले चलाय जात प्रभावी अभियान अऊ ओकर सकारात्मक परिणाम बर घलो ओमन ला धन्यबाद देवत हंव। बछर ले बस्तर के विकास म बाधा बनिस ए नासूर ला खतम करके क्षेत्र म सांति, बिसवास अऊ विकास के नवा अधयाय सुरु करे बर ओकर नेतृत्व सराहनीय अऊ प्रेरणादायी हे।
एकर अलावा छत्तीसगढ़ म चलत अलग-अलग विकासोन्मुखी योजना ,जनकल्याणकारी काम अऊ परदेस के आम जनता ले जुड़े जरूरी विषय ले घलो ओमन ला अवगत कराएंव। ए मऊका म अलग-अलग विषय ऊपर आदरणीय अमित शाह जी के बहुमूल्य मार्गदर्शन अऊ असीरबाद मिलिस। आप मन के नेतृत्व सगा राष्ट्रहित, सुसासन अऊ आखिरी कतार के मनखे के कल्याण बर प्रेरणा के सोत आय।
