बस्तर में सड़क अउ पुल के काम में आही तेजी, लोक निर्माण विभाग के सचिव ह अधिकारी अउ ठेकेदार के लिस बैठक
- चलत काम मनला तय समे के भीतर पूरा करे के दिन् निर्देश
- कहिन—ठेकेदार मनला हर महीना करव भुगतान, क्वालिटी पक्का करे बर काम के बारिकी ले जांच घलो करव
रायपुर. लोक निर्माण विभाग के सचिव मुकेश कुमार बंसल ह आज कोंडागांव में विभाग के अधिकारी अउ ठेकेदार के बैठक लेके बीजापुर, दंतेवाड़ा अउ कोंडागांव में सड़क अउ पुल के बनत काम के समीक्षा करिस। ओमन ए काम में तेजी लावत हुए तय समे में काम पूरा करे बर कहिन। ओमन बरसात में सड़क रस्ता ले कट जाय वाले गाँव बर बारहमासी (सब्बो दिन चले लायक) सड़क अउ पुल के निर्माण बर पहिली प्राथमिकता ले प्रस्ताव बनाके सरकार करा भेजे के निर्देश दारीन। कोंडागांव के कलेक्टर नुपुर राशि पन्ना, वन मंडलाधिकारी दिव्या गौतम, लोक निर्माण विभाग के प्रमुख अभियंता वी.के. भतपहरी, मुख्य अभियंता एम.एल. उरांव अउ ज्ञानेश्वर कश्यप तथा अधीक्षण अभियंता संजय सूर्यवंशी के संग तीनों जिला के कार्यपालन अभियंता, अनुविभागीय अधिकारी (SDO) अउ उप अभियंता (सब इंजीनियर) घलो बैठक में उपस्थित रहिन।
लोक निर्माण विभाग के सचिव ह तीनों जिला के विभागीय अधिकारी मनला कोनो भी ठेकेदार के पैसा ला रोके मत रखे के निर्देश दारीन। ओमन ठेकेदार कोति ले करे गिस काम के आधार पर हर महीना भुगतान करे बर कहिन। श्री बंसल ह ठेकेदार ले घलो कहिन कि काम के जगह में जे भी समस्या आवत हे, ओकर जानकारी अधिकारी मनला देवव। ओमन अधिकारी मनला ए समस्या के तुरंते समाधान करके काम ला तेज करे के निर्देश दारीन। ओमन चलत काम मनला तय समे में कोनो भी हाल में पूरा करे के निर्देश ठेकेदार मनला दिहिन।
विभागीय सचिव ह बैठक में मनखे मन के जरूरत अउ उपयोगिता के आधार पर नवा सड़क अउ पुल के निर्माण के प्रस्ताव ला पहिली भेजे बर कहिन। बस्तर के नक्सलमुक्त होय के बाद दूर-दराज अउ पहुंच ले बाहिर गाँव मनमा सड़क अउ पुल-पुलिया के निर्माण तेजी ले होना चइही। ओमन चालू वित्तीय बछर के बजट में सामिल तेज चले वाले सड़क के निर्माण बर 15 अगस्त तक इस्टीमेट भेजे बर कहिन।
लोक निर्माण विभाग के सचिव ह सब्बो अधिकारी मनला भवन, सड़क अउ पुल के काम अउ ओकर तेजी के पूरा जानकारी रखे के निर्देश दिहिन। ओमन निर्माण के सामान के क्वालिटी पक्का करे के संग-संग भवन मनमा बढ़िया क्वालिटी के खिड़की, कपाट, टाइल्स, सेनेटरी, नल अउ पेंट्स के उपयोग करे बर कहिन। ओमन केशकाल घाटी बायपास सड़क के काम में तेजी लावे बर वन मंडलाधिकारी ला जल्दी से जल्दी रूख के कटाई पक्का करे के निर्देश दारीन।
श्री बंसल ह काम में ढिलाई करे वाला अउ खराब काम करे वाला ठेकेदार के ऊपर कड़ाई करे बर कहिन। ओमन अइसन ठेकेदार मनला ब्लैकलिस्ट , डिग्रेड अउ टर्मिनेट के निर्देश दिहिन। ओमन सब्बो अधिकारी मनला अपन मुख्यालय में रहे, फील्ड के लगातार दौरा करके काम के बारीकी ले निरीक्षण करे अउ अदालती मामला में समे पर सरकार कोति ले जवाब पेस करे के निर्देश दारीन। ओमन सर्किट हाउस अउ विश्राम गृह के घलो बने देख-रेख पक्का करे बर कहिन।
बनत खड़कघाट पुल के काम के करिन निरीक्षण
लोक निर्माण विभाग के सचिव श्री बंसल ह कोंडागांव में बैठक के बाद जगदलपुर में इंद्रावती नदी ऊपर बनत खड़कघाट पुल के काम के निरीक्षण करिन। राष्ट्रीय राजमार्ग-30 (NH-30) ऊपर 44 करोड़ रुपिया ले जादा के लागत ले ए बड़ पुल के निर्माण करे जात हे। श्री बंसल ह मउका में उपस्थित अधिकारी अउ ठेकेदार ला पुल के काम ला पूरा क्वालिटी के संग तय समे में पूरा करे बर कहिन। ओमन काम के जगह में मशीन अउ मनखे मनला बढ़ाके काम ला अउ तेज करे बर कहिन।
