कांकेर। भानुप्रतापपुर थाना क्षेत्र म गुरुवार के नौकरी के मांग करत किसान मन ल अस्थाई तौर म गिरफ्तार कर ले गिस। । बता दन कि ये किसान मन पीछू दस दिन ले रेल पटरी म प्रदर्शन करत हवय। किसान मन ह रावघाट रेल परियोजना बर अपन जमीन रेलवे ल दीस हे। एखरे सेती अपन जमीन के बदला म नौकरी के मांग करत हवय। प्रशासन ह किसान मन ल प्रदर्शन खत्म करे बर समझाइश दीस, लेकिन कोनो नतीजा नइ निकलिस। अइसे म प्रशासन ह उंखर अस्थाई रूप ले गिरफ्तारी करिस हे। प्रदर्शन स्थल म एएसपी अउ पुलिस के बड़का अफसर समेत बड़े संख्या म पुलिस जवान तैनात हवय।
