जय जोहार…. (chhattisgarh) राष्ट्रीय आदिवासी नृत्य महोत्सव म सामिल होय ल आज नाइजीरिया के 10 सदस्य कलाकार मन के दल ह रईपुर पहुंच गेहे। कलाकार मन के आज स्वामी विवेकानंद एयरपोर्ट, रईपुर पहुंचे म प्रदेस के संस्कृति मंत्री अमरजीत भगत ह राज्य सरकार डहार ले ओखर आत्मीय स्वागत करीन।
विदेसी कलाकार मन के ये पहला टीम हे, जेन रईपुर पहुंचीन हे। (chhattisgarh) एखर संग राष्ट्रीय आदिवासी नृत्य महोत्सव म सामिल होय बर कलाकार मन के आय के सिलसिला आज ले सुरु हो गेहे। ए महोत्सव म भाग लेवइया लगभग सबो टीम ह 27 अक्टूबर तक पहुंच जाही। 28 अक्टूबर के ए कला दल के मार्चपास्ट के संग भव्य अउ आकर्षक राष्ट्रीय आदिवासी नृत्य महोत्सव के आगाज होही।
नाइजीरिया के कलाकार मन ह रईपुर के एयरपोर्ट पहुंचत ही (chhattisgarh) छत्तीसगढ़िया सबले बढ़िया बोलके अभिवादन ल स्वीकार करीन। नाइजीरिया कला दल के प्रमुख ह किहीन कि छत्तीसगढ़ सरकार डहार ले राष्ट्रीय आदिवासी नृत्य महोत्सव के माध्यम ले आदिवासी कला संस्कृति अउ परंपरा को सहेजे अउ ओखर संवर्धन बर करे जावत काम महत्वपूर्ण हैं। हमन सबो राष्ट्रीय आदिवासी नृत्य महोत्सव म सामिल होय बर काफी उत्साहित हन।
No Comment! Be the first one.