chhattisgarh के फिलिमकार स्व. विजय पांडेय के बनहि बायोपिक, पढ़व

जय जोहार…. (chhattisgarh) छत्तीसगढ़ के फिलिमकार स्व. विजय पांडेय के जीवन म आधारित एक बायोपिक के जल्दी निर्माण होवइया हे। घर द्वार जइसे सुपरहिट फिलिम बनइया स्व. पांडेय के जीवनी म बनइया ए बायोपिक के मुहूर्त शॉट ह आज राजधानी रायपुर के एक निजी होटल म होय हे।

ए अवसर म बकायदा मुहूर्त क्लिपिंग करणी सेना (chhattisgarh) छत्तीसगढ़ इकाई के संरक्षक सच्चिदानंद उपासने ह करिन। संगेसंग स्व. विजय पांडेय के पुत्र जयप्रकाश पांडेय ह सबो अतिथि ल शॉल भेंट कर के ओखर स्वागत घलो करिन। बायोपिक के निर्देशन ल डॉ पुनीत सोनकर ह करही। उहचे सबो ह एक स्वर म स्व. विजय पांडेय के नाम म छत्तीसगढ़ सरकार ले अवॉर्ड घोसित करने के अपील करिन।

छत्तीसगढ़ (chhattisgarh) म अब तक फिलिम अऊ वीडियो एल्बम बनाय ल लेके निर्माता मन के रूझान देखे जावत रिहिन, लेकिन अब फिलिमकार ह व्यक्ति बिसेस के जीवनी ल पर्दा म उतारे के अनोखा प्रयास करत हे। इहीं क्रम म एंजॉय बॉक्स ओटीटी प्लेटफार्म के फाउंडर सुरजीत सिंह के बिसेस प्रयास ले छत्तीसगढ़ के अस्मिता अऊ छत्तीसगढ़ी संस्कृति ल पहिली घाव फिलिम पर्दा म उतारे वाला अंचल म प्रथम संरक्षक के जीवनी म बायोपिक बने ल जावत हे।