जय जोहार…. (unlock) दुरूग जिला ह अब पूरा अनलॉक हो गे हे। ए सम्बन्ध म कलेक्टर डॉ. सर्वेश्वर नरेंद्र भुरे ह आज बिहनिया एक ठिन आदेस जारी करे हे। जिला म रात 8 बजे तक सबो दुकान ह खुलत रिहीन, ओला सामान्य बेरा तक कर दे गेहे। अब व्यापारी मन ह अपन बेरा म दुकान ल खोल अउ बंद कर सकही। उहें लम्बा बेरा ले बंद चौपाटी ल खोले के आदेस जारी हो गेहे।
प्रतिबंधित गतिविधि ल छोड़ के आन सबो स्थायी अउ अस्थायी दुकान, शॉपिंग मॉल, व्यवसायिक प्रतिष्ठान, सुपर मार्केट / सुपर बाजार, (unlock) फल अउ सब्जी मंडी / बाजार, अनाज मंडी, शो-रुम, मदिरा दुकान, ठेला, चौपाटी, सैलून, ब्यूटी पार्लर, स्पा, पार्क, जिम अउ ग्रंथालय ल रविवार समेत सबो दिन म ओखर प्रचलित बेरा म खोले जा सकही।
(unlock) सबो वाटर पार्क, थीम पार्क, सिनेमा हॉल / थियेटर, स्विमिंग पूल अउ सामूहिक स्थल ल आम मनखे मन बर ओखर प्रचलित बेरा म खोले जा सकही, किन्तु सिनेमा हॉल / थियेटर के संचालन ल ओखर कुल क्षमता के 50 प्रतिसत मनखे मन बर ही करे जा सकही।
