नवनीत शुक्ला/मुंगेली। करव योग रहव निरोग के नारा म अंतराष्ट्रीय योग दिवस के दिन मंडी परिसर म जिला स्तरीय योग कार्यक्रम के आयोजन करे गिस । जेमा खाद्य मंत्री पुन्नू लाल मोहले, सांसद लखन लाल साहू,जिला पंचायत अध्यक्ष कृष्णा दुर्गा बघेल, नगर पालिका अध्यक्ष सावित्री अनिल सोनी, जनपद पंचायत उपाध्यक्ष सोनू चंद्राकर , पार्षद गण, मुंगेली के जनप्रतिनिधि, जिला प्रसाशन के अधिकारी एवम कर्मचारी सहित स्कूल के लइका मन ह उत्साह के संग बढ़चढ़ के हिस्सा लिन । ये अवसर म मंत्री ह कहिस की जीवन म स्वस्थ रहे बर योग अति जरूरी हे स्वस्थ आदमी ह स्वस्थ समाज ल बनाथे । हमर जिला कलेक्टर ह तक योग के महत्व ल जोर देवत हुए कहिस कि योग करव अ व निरोग रहव। स्कूल के लइका मन ह घलोक बढ़चढ़ के कार्यक्रम म हिस्सा लिस । सांसद साहू तक ह योग के महत्व म जोर दिस । कार्यक्रम म आम जनता मन ह उत्साह ह देखत बनत रिहिस हे ।