जय जोहार…. गरियाबन्द जिला म सिरफिरे युवक ह एक नवविवाहित जोड़े म प्राणघातक हमला कर दे हे। घटना म नवदंपती ल गंभीर चोट आय हे।
ए दौरान पुलिस ले बच के भागे के दौरान आरोपी के गिरे के सती खरोच आय हे। पुलिस ने तीनों को उपचार बर अस्पताल म भर्ती कराय हे।
पुलिस ले मिले जानकारी के अनुसार सुनील साहू अपन पत्नी यामनी साहू के संग मोटरसाइकिल ले ससुराल ले गांव तंवरबाहरा, गरियाबन्द लहुटत रहिस।
ए दौरान ग्राम मालगांव-पनटोरा के बीच हजरत अंसारी ह पीछे ले आइस अउ बहसबाजी करत हुये पति-पत्नी पर धारदार हथियार ले हमला कर दिस। हमला ले यामनी साहू के कमर, हाथ अउ सुनील साहू के दुनो हाथ अउ कमर म घाव के निसान हे।
बीच सड़क अइसनहे हमले ल देख के राहगीर अउ आसपास के लोगन म ह ओ मन ल छुड़ाय के कोशिश करिन अउ पुलिस ल घटना के जानकारी दिस।
घटना के जानकारी मिलत सिटी कोतवानी पुलिस ह मौके म पहुंचिस। पुलिस ल देख के आरोपी हजरत अंसारी ह भागे ल लगिस, जेला मौजूद भीड़ के मदद ले पुलिस ह गिरफ्तार कर लिस।
