जय जोहार…. गरियाबन्द जिला के देवभोग विकासखण्ड म कोरोना संक्रमित छह नवा मरीज मिले के बाद संबंधित क्षेत्र ल कलेक्टर छतर सिंह डेहरे ह कन्टेनमेंट जोन घोसित करे हे। ऊहचे तीन किलोमीटर के दायरा ल बफर जोन घोसित करे गे हे।
मुख्य चिकित्सा अउ स्वास्थ्य अधिकारी ले मिले जानकारी के अनुसार देवभोग ब्लाक के वार्ड क्रमांक 18 म दू, ग्राम बरही म दू, ग्राम मोटरापारा म एक अउ ग्राम दीवानमुड़ा म एक कोरोना पाजिटिव मरीज के पुष्टि होय हे।
एखर बाद कलेक्टर ह संबंधित क्षेत्र ल कन्टेनमेंट जोन घोसित कर दे हे। जारी आदेश म कन्टेनमेंट जोन के चिन्हित क्षेत्र म सब्बो दुकान अउ आन वाणिज्यिक प्रतिष्ठान ह अवइया आदेश तक बन्द रही।
प्रभारी अधिकारी के तरफ ले घर पहुंच सेवा ले आवश्यक वस्तु के आपूर्ति ल उचित दर म सुनिश्चित करे जाही। सब्बो वाहन के आवागमन म पूरा प्रतिबन्ध रही।
मेडिकल इमरजेंसी ल छोड़ के आन कोनो सती ले घर के बाहर निकले बर प्रतिबंधित रही।
