Chhollywood: लोक कलाकार अऊ अभिनेता सन्नी मीरी ल ले के बनत गीत “चल ना चल ना” जरूर पसंद करे जाही- दीपक कुर्रे

जय जोहार…. (Chholiwood) लोक कलाकार सन्नी मीरी के गीत ल लाखो मनखे मन देखथे अऊ पसंद घलो करथे, सन्नी मिरी अऊ अभिनेत्री पुष्पा साहू अभिनीत गीत “चल ना चल ना” के शूटिंग अभी राजधानी के लाभाण्डि गांव म होइस,

(Chhollywood) छत्तीसगढ़ म अभी यू ट्यूब बर गीत बनाए के सिलसिला चल पड़े हे , ये गीत ल निर्देशित करत हे युवा निर्देशक दीपक कुर्रे ह, दीपक ह किहीस कि ये गीत म बाबा गुरु घांसीदास के चाटवापुरी मेला के उल्लेख हे जेला बने ढंग ले शूट करे गे हे,

छत्तीसगढ़ म दिसम्बर महीना म रिलीज होवैया ये गीत म ज्यादा गीम्बल ले शूटिंग होय हे (Chhollywood) अऊ एला पूरा पारिवारिक वातावरण म बनाए गे हे, एमा स्वर दे हे सरला गंधर्व चौहान अऊ किशन सेन ह,

बता दन कि ये गीत म कैमरा चलाए हे दीपक बावनकर ह अऊ एमा ऊंखर सहयोग करे हे रितेश चौहान,अज्जु चौहान,सरोज कुर्रे अऊ राहुल साहू ह। रूपसज्जा के जिम्मेदारी अंजू उरांव ह सम्हाले हे ।