Corona: देश म बीते 24 घंटा म बाढ़ गे 41 हजार ले जादा नवा मरीज, पढो पूरा खबर

जय जोहार…. देश म बीते 24 घंटा म कोरोना (Corona) के 41 हजार ले जादा नवा मामला सामने आय हे। उहचे 42298 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 496 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 41810 नवा मरीज के पहचान होय हे। एला मिला के कोरोना संक्रमित मन के संख्या ह 93 लाख ले जादा हो गे हे।

जेमा ले 4 लाख 53 हजार 956 एक्टिव मामला हे। उहचे 88 लाख 02 हजार 267 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे।