मुठभेड़ म एक वर्दीधारी महिला नक्सली ढेर, मशीन गन बरामद

राजनांदगांव. जिला म पुलिस अउ नक्सली मन के बीच मुठभेड़ होइस हे. मुठभेड़ म सुरक्षा बल के जवान मन ल कामयाबी मिलिस हे. मुठभेड़ म एक महिला नक्सली ल मार गिराए के दावा सुरक्षा बल के जवान म करिन हे. मारे गे महिला नक्सली के शव बरामद कर लेय गिस हे. संगेच कार्बन मशीन गन घलो बरामद करे गिस.

आईटीबीपी, बीएसफ अउ जिला बल के संयुक्त टीम ह कार्रवाई  करिस हे. जनांदगांव एसपी कमल लोचन कश्यप ह मुठभेड़ के पुष्टि  करिस हे. राजनांदगांव के गातापार थाना क्षेत्र के भावे जंगल म मुठभेड़ होइस हे. मिले जानकारी म सुरक्षा बल के जवान मन के संयुक्त टीम सर्चिंग  बर निकले रहिन हे. इहीं दउरान उंखर सामना नक्सली मन ले हो गिस. मुठभेड़ म नक्सली मन के ओर ले घलो फायरिंग करे गिस. एमा एक महिला नक्सली मारे गिस हे.

मारे गे महिला वर्दीधारी नक्सली बताय जात हे. बता देवन के बीते सोमवार के बस्तर के दंतेवाड़ा म नक्सली मन ह  सीआरपीएफ जवान म उपर हमला कर देय रहिस हे. दंतेवाड़ा के आरनपुर थाना क्षेत्र म नक्सली मन ह हमला करिन. एमा सीआरपीएफ के एक जवान शहीद हो गिस. जबके छह अन्य जवान घायल हो गिस. घायल मन के इलाज रायपुर म म करे जात हे. लोकसभा चुनाव ले पहिली नक्सली प्रदेस म उत्पात मचाए के संग ही हिंसात्मक घटना मन ल अंजाम देय के कोशिश करत हवय.

—