जे एन यू मामला म रायपुर म होही पुतला दहन, एबीवीपी करही प्रदर्शन

जय जोहार रायपुर… जे एन यू म नकाब पोश मन के द्वारा हमला करे के मामला म काली दिल्ली पुलिस ह खुलासा करिस कि हमलावर वामपंथी संगठन ले जुड़े रिहिस, ये खुलासा ले वामपंथी विचारधारा के बुराई होय ल लग गे, एती रायपुर म वामपंथी विचारधारा के विरोध म एबीवीपी ह प्रदर्शन करही संगे संग पुतला घलो जलाहि.

एबीवीपी के विभोर ठाकुर ह किहिस कि जे एन यू  में हमला बर विपक्ष ह बीजेपी ल बदनाम करत रिहिस लेकिन पुलिस के जांच के बाद सब सच सामने आगे, विभोर ह आगे किहिस कि वामपंथी विचारधारा विकास के बाधक आय.