जय जोहार…. (Dhamtari) 14 किलो गांजा के संग एक तस्कर ह पुलिस के हत्थे चढ़ गे हे। पुलिस ह आरोपी करा ले एक मोबाइल बरामद करे हे। संगेसंग जब्त गांजा के कीमत 1 लाख 46 हजार रुपए बताय जावत हे।
मुखबिर ले शनिच्चर के रात (Dhamtari) थाना प्रभारी अर्जुनी उमेंद्र टंडन ल सूचना मिलिस कि ग्राम सेहराडबरी अऊ अर्जनी मोड के बीच रोड म एक व्यक्ति ह गांजा बेचे के फिराक म हे। एखर बाद पुलिस टीम ह घेराबंदी करके कार्रवाई करिन। जहां एक व्यक्ति ह काला रंग के दू बैग लिये खड़े मिलिस।
जेखर नाम पूछे पर अपन नाम योगेश गुप्ता साकिन मौदहा मराठीपुरा निगम मोहल्ला जिला हमीरपुर उत्तर प्रदेश के रहवइया बताईस। (Dhamtari) ओ व्यक्ति के तलाशी ले म ओखर पास ले 14 किलो 600 ग्राम गांजा बरामद करे गिस। पुलिस ल आरोपी ल धारा 20 बी एनडीपीसी एक्ट के तहत गिरफ्तार कर लिस।
Other Articles
Next
Previous
October 25, 2020
Pm: त्योहार संकट म जीत के घलो उत्सव : पीएम मोदी
