lockdown: राजधानी म पुलिस ह बढाईस सख्ती, बेवजह घर ले निकलेस त होही कार्रवाई
जय जोहार…. राजधानी म सोमवार रात 9 बजे ले पूरा लॉकडाउन (lockdown) लागू हो गे हे। पिछिले लॉकडाउन के अपेक्षा ए बार पुलिस प्रशासन ह काफी सख्त नजर आवत हे। मंगलवार बिहिनिया ले ही चौक-चौराहा म पुलिस ह बेरिकेटिंग कर के मुस्तैदी ले जांच सुरू कर दे हे।
हर झन आवत जावत ल रोक के पूछताछ के जावत हे। (lockdown) चौक ले गुजरइया लोगन म ले आई कार्ड दिखाए बर कहे जावत हे। अति आवश्यक सेवा ल छोड़ के बाकी सबो व्यक्ति मन ले आई कार्ड दिखाए के बात कहे जावत हे।
(lockdown) यातायात पुलिस अधीक्षक एमआर मंडावी ह बताइस कि टीम के तरफ ले कार्रवाई करे जावत हे, जेन बेवजह घूमइया हे, ओ अब तक प्रकाश म नई आए हे। अगर अईसे लोगन मन ह बाहर निकलत हे, त ओखर म आवश्यक अऊ वैधानिक कार्रवाई करे जाही।
एखर संग लॉकडाउन (lockdown) के दौरान तीन परीक्षा ह आयोजित होही, जेमा परीक्षार्थी ह अपन एडमिट कार्ड ल दिखा के परीक्षा दे ल जा सकही। लोगन मन ले हमन ह अपील करत हन कि घर म ही रहे, बेवजह न निकले।