dhamtari जिला म पिछिले 24 घंटा म सामने आय हे कोरोना के 75 नवा मरीज

जय जोहार…. धमतरी (dhamtari) जिला म कोरोना संक्रमण के मामला ह सरलघा बाढ़त जावत हे। जिला म पिछिले 24 घंटा म कोरोना के 75 नवा मामला मिले हे। उहचे 43 मरीज मन ल बने होय के बाद डिस्चार्ज कर दे गे हे।
जिला स्वास्थ्य समिति धमतरी (dhamtari) ले जारी आंकड़ा के मुताबिक सोमवार के जेन कोरोना के नवा मरीज मिले हे, ओमा धमतरी शहरी ले 44, कुरुद ब्लाक ले 20, गुजरा अऊ नगरी ब्लाक ले 5-5, मगरलोड ले एक शामिल हे।
बता दन कि (dhamtari) जिला म कोरोना संक्रमित मन के संख्या ह बाढ़ के 1615 पहुंच गे हे। जेमा ले 872 एक्टिव मामला हे। उहचे 722 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला म अब तक 24 लोगन मन के मौत हो गे हे।