अभिनेता रमेश अऊ आभा के दमदार जोड़ी घलो हे कुश्ती एक प्रेम कथा म , सरलगहा होवत हे शूटिंग

जय जोहार रायपुर…. निर्माता संदीप त्रिपाठी अऊ निर्देशक एजाज वारसी के फिलिम कुश्ती एक प्रेम कथा म अभिनेता रमेश गंगवानी ह एक जोरदार रोल म नजर आही , ये फिलिम म ओमन एक पुलिस इंस्पेक्टर के रोल करत हे , खासबात ये हे कि एमा ऊंखर काफी लंबा रोल हे अऊ ऊंखर ऊपर ये फिलिम म एक गीत घलो फ़िल्माय जाही ,

बता दन कि कुश्ती म रमेश के संग आभा देवदास घलो अभिनय करत हे अऊ अपन रोल ल ले के दूनो काफी उत्साहित नजर आत हे , मूलतः राजनादगांव के आभा ह गीत के शूटिंग बर तैय्यारी करत हे , ये फिलिम के निर्देशक एजाज वारसी ह किहिस कि आभा अऊ रमेश के जबरदस्त केमेस्ट्री हे अऊ दूनो अपन अभिनय ल ले के गंभीर हे ,

एमा अजय सहाय ,पुष्पांजलि , महेश मेहुर्कुरे ,ललित उपाध्याय ,गुड्डू त्रिपाठी के संगे संग बड अकन कलाकार मन अभिनय करत हे , ये फिलिम म सिनेमाटोग्राफी करत हे दिनेश ठक्कर अऊ एरीअल शॉट्स के जिम्मा इमरान खान संभालत हे .