छत्तीसगढ़ म धान खरीदी के आज आखिरी दिन

जय जोहार रायपुर… प्रदेश म समर्थन मूल्य म धान खरीदी के आज आखिरी दिन हे। आज के बाद धान खरीदी नई करे जाही। अब तक 82 लाख मीट्रिक टन धान खरीदी हो चुकिस हे। बुधवार के बारदाना के कमी अऊ टोकन के आभाव म किसान अपन धान नई बेच पाइस। कई जगहों म प्रदर्शन के बाद खरीदी ह शुरू होइस, तो कई जिला मन म धान खरीदी नई होइस। हालांकि काटे गिस सबो टोकन म धान खरीदे बर के एलान सरकार ह कर सकत हे।

सीएम भूपेश बघेल ह काली अमेरिका ले फोन म धान खरीदी के पूरी जानकारी ल मंत्री कवासी लखमा ले लिस। बस्तर म किसान मन के विरोध ल देखत हुए सीएम ह कैबिनेट मंत्री कवासी लखाम ले बात करिस अऊ वस्तुस्थिति के जानकारी लिस। मुख्यमंत्री ह बारदाना के कमी अऊ हरेक टोकन म किसान मन के धान खरीदी के सुझाव ल मान लिस अऊ एखर बर अधिकारी मन ल निर्देशित करे गे हे।