भूमिपूजन समारोह ल संबोधित करिन मुख्यमंत्री साय, कहिन- हमार सनातन परम्परा ह वसुधैव कुटुम्बकं अउ देशभक्ति के पढ़ाथे पाठ
रायपुर। कोनो भी देश तभे मजबूत रह सकथे, जब ओखर बुनियाद मजबूत हो। हमर देश के बुनियाद हमार सनातन परंपरा म हे। सनातन परंपरा हमन वसुधैव कुटुम्बकं के सीख देथे अउ देशभक्ति के पाठ पढ़ाथे। अपन देश अउ राज्य के तरक्की बर बड़ जरूरी हे कि हमन अपन युवा पीढ़ी ल घलो सनातन परंपरा के उही संस्कार प्रदान करन जेन हमन ल अपन शिक्षक अउ अभिभावक मन ले हन। मुख्यमंत्री विष्णु देव साय ह आज बस्तर प्रवास के दौरान जगदलपुर के समीप ग्राम कंगोली म श्री वेदमाता गायत्री महाविद्यालय के भूमिपूजन समारोह ल संबोधित करत ए बात ल कहिन।
मुख्यमंत्री साय ह कहिन कि गायत्री मंत्र हमार सनातन परंपरा के सबले महत्वपूर्ण मंत्र हे। ए मंत्र हमन सन्मार्ग की ओर चले बर प्रेरित करथे। विद्या भारती संस्थान म विद्यार्थी मन श्रेष्ठ शिक्षा के संग- संग देशभक्ति के संस्कार घलो दे जात हे।
मुख्यमंत्री साय ह कहिन कि मानव जीवन म शिक्षा के विशेष महत्व हे अउ अइसने ध्येय के संग प्रदेश सरकार शिक्षा के संग- संग कौशल विकास बर घलो जोर देवत हे। ओहा बताइन कि छत्तीसगढ़ म आईआईटी, आईआईएम जइसन उच्च स्तरीय व्यावसायिक शिक्षा संस्थान उपलब्ध हे। एखर अलावा राज्य म 341 पीएम श्री स्कूल स्थापित करे गे हे, जिहां गुणवत्ता युक्त शिक्षा बर सुविधा विकसित करे जात हे। संग- संग प्रदेश के विद्यार्थी मन ल जरूरी सुविधा अउ अनुकूल वातावरण प्रदान करे बर नालंदा परिसर घलो बड़का शहर म स्थापित करे जात हे। ओमन नवा शिक्षा नीति अउ दिल्ली म प्रतियोगी परीक्षा बर तैयारी बर बनाए गे यूथ हॉस्टल के संबंध म घलो जानकारी देत हे। कार्यक्रम ल प्रदेश के उप मुख्यमंत्री अरूण साव, वन मंत्री केदार कश्यप, खेल अउ युवा कल्याण मंत्री टंकराम वर्मा ह घलो संबोधित करिन।
मुख्यमंत्री साय ह विद्याभारती संस्था के विकास बर 50 लाख रुपया प्रदान करे के घोषणा घलो करिन। ए अवसर म लोकसभा क्षेत्र कांकेर के सांसद भोजराज नाग ह विद्याभारती संस्था के प्रदेश म स्थित विभिन्न संस्था के विकास बर सांसद निधि ले हर वर्ष एक करोड़ रूपये दे जाए के अउ जगदलपुर विधायक किरणदेव सिंह ह जगदलपुर स्थित संस्था के विकास बर 10 लाख रूपया के वित्तीय सहायता प्रदाय करे के घोषणा करिन। कार्यक्रम म संस्था प्रमुख राजबहादुर सिंह राणा, संस्थान के महामंत्री नरेन्द्र तनेजा अउ रामदत्त चक्रधर ह संस्था के उद्देश्य अउ गतिविधियों के बारे म जानकारी दिस।
मुख्यमंत्री साय ह सरस्वती शिशु मंदिर परिसर म आयोजित यज्ञ म सम्मिलित होके वैदिक मंत्रोच्चार के बीच म विधि-विधानपूर्वक आहुति दिस अउ बस्तर सहित प्रदेशवासी मन के प्रगति अउ खुशहाली के कामना करिन। अउ प्रांगण म सागौन के पौधा रोपिस। ए अवसर म दंतेवाड़ा विधायक चैतराम अटामी, स्थानीय जनप्रतिनिधिगण, विद्यालय के आचार्यगण अउ बड़का संख्या म विद्यार्थीगण उपस्थित रिहीन।
