जय जोहार…. सरगुजा के अंबिकापुर मेडिकल कॉलेज ल सैक्षणिक बच्छर 2022-23 म एडमिशन के मान्यता मिल गेहे । एखर बाद अब प्रवेश के प्रक्रिया घलो सुरु कर दे गेहे । मेडिकल कॉलेज म प्रवेश बर कॉलेज प्रबंधन ह तैयारी पूरा कर लीन हे । एखर संग छात्र मन के चयन सूची घलो जारी हो गेहे ।
बता देन कि ए बच्छर पहला चरण म स्टेट कोटा के छात्र मन के प्रवेश ले जाही। जबकि ऑल इंडिया कोटा ले प्रवेश के प्रक्रिया ह दुसरइया चरण म पूरा होही । राजमाता देवेंद्र कुमारी सिंहदेव सासकीय मेडिकल कॉलेज ल सैक्षणिक बच्छर 2022-23 म प्रवेश बर लंबा इंतजार के बाद मान्यता मिले रिहीन । मान्यता मिले के बाद कॉलेज प्रबंधन ह एडमिशन के तैयारी घलो सुरु कर दे रिहीन ।
मेडिकल कॉलेज के मान्यता बार एलओपी मिले म देरी के सेती ऑल इंडिया कोटा के पहला चरण म कॉलेज म एडमिशन नई हो पाही । पहला चरण म स्टेट कोटा ले प्रवेश के प्रक्रिया ल सुरु करे जावत हे । जेखर बर पंजीयन अउ आन प्रक्रिया पूरा होय के बाद चयनित छात्र मन के सूची ल जारी करे जाही । जबकि कॉलेज के आवंटन के प्रक्रिया ह अभी तक बचे है।
मेडिकल कॉलेज के डीन डॉ आर मूर्ति ह बताइन कि कॉलेज म प्रवेश ल लेके तैयारी पूरा कर ले गेहे । कॉलेज म छात्र मन ल परेशानी न हो, एखर बर बेहतर इंतजाम करे गेहे । प्रवेश के दउरान परिसर म छात्र के संग सिरिफ एक परिजन ल ही प्रवेश के अनुमति होही ।
Other Articles
chhattisgarh म 5 ठीन काम दिवस हरेक सप्ताह प्रणाली होगे लागू, पढ़व
No Comment! Be the first one.