Raipur : राष्ट्रीय आदिवासी नृत्य महोत्सव म सिरकत करे के बाद टोगो अउ मालदीव ले आए कलाकार मन के टीम रईपुर ले रवाना

जय जोहार। (Raipur) राष्ट्रीय आदिवासी नृत्य महोत्सव म सिरकत करे के बाद टोगो अउ मालदीव ले आए कलाकार मन के टीम रईपुर ले रवाना होगे।

रईपुर एयरपोर्ट म चर्चा के दउरान वोहा छत्तीसगढ़ के मेज़बानी के तारीफ़ करीन अउ राष्ट्रीय आदिवासी नृत्य महोत्सव म आमंत्रित करे बर मुख्यमंत्री भूपेश बघेल के आभार जताइन हे ।

विदेसी कलाकार मन ह दुबारा घलो इंहा आयोजन म सामिल होय के इच्छा जताइन। वोहा किहीन कि इंहा मिले अपार स्नेह ओमन ल अभिभूत कर गेहे। इंहा आयोजक के मेहमाननवाज़ी अउ कलाप्रेमी मन ले मिले सराहना ल हमेसा याद रखही ।