chhattisgarh : सीएम भूपेश बघेल ह करीन घोसना, पखांजूर म खुलही कृषि महाविद्यालय, बांदे ल मिले हे पूर्ण तहसील के दर्जा

जय जोहार। (chhattisgarh) भेंट मुलाकात कारीकरम बर अंतागढ़ विधानसभा के पखांजूर पहुंचीन मुख्यमंत्री भूपेश बघेल ह पखांजूर म कृषि महाविद्यालय आरंभ करे अउ बांदे ल पूर्ण तहसील के दर्जा दे के घोसना करीन । वो हा कोयलीबेड़ा म स्वामी आत्मानंद इंग्लिश मीडियम स्कूल खोले अउ परलकोट जलाशय के जीर्णाेद्धार ले घोसना घलो करीन।

एखर संगेसंग पखांजूर म मुख्य मार्ग म 4 किमी के गौरवपथ बनाय , कंदारी म उपस्वास्थ्य केंद्र अउ बालक-बालिका आश्रम बनाय , दिव्यांग निताई मंडल ल मदद दे के, राशन कार्ड बर शिविर लगाय के घोसना करीन । पखांजूर के एक युवक सोमेन ह मुख्यमंत्री ले किहीन कि पहले शहर के स्टेडियम के नाव नेताजी सुभाष चंद्र बोस के नाव म रिहीन । पंद्रह साल पहले एखर नाव ल बदल के पंडित श्यामा प्रसाद मुखर्जी के नाव न कर दे गीस । हमन चाहत हन कि एखर नाव पुनः नेता जी सुभाष चंद्र बोस के नाव म कर दे जाये । मुख्यमंत्री ह स्टेडियम के नाव नेता जी सुभाष चंद्र बोस के नाव म रखे के घोसना करीन ।